1 Pita 2:25 - U Bulunagana U Niga

²⁵ Alimiou i here rami u sipsip ti hatutui a maroro i taren. Kaba limiou i la pouts hakapa uamuma tere Sunahan te taratara kap nena u namnamei i tamilimiou.

1 Pita 2:25 ပူးပေါင်းရင်းမြစ်များ

Matiu 18:12

Na u saha u mar hakats te ka memi limiou tara katuun te kamena a 100 tara sipsip ba töa i taren te taiana? Nonei e la ba ranou u 99 tara sipsip bate karia turu pokus ba nonei tena sakiena a sipsip te taiana.

Matiu 9:36

Pöata te tara raien u katuun u parpara ti gonogono, ba nonei te taatagi koru ranen, taraha nori i kaan tutu here rai u sipsip te möa ta katunun taratarakap i taren.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Hibru 13:20

E Sunahan, te hala ranei ra a masalohana, e tatei hala ranei limiou a mamanaka a niga, antunana tego kato mena milimiou u ngil i tanen. Nonei te hatakei poutsi a Tsunono i tarara e Iesu, nonei a katuun te taratara kap rena u katuun i tanen bate here nei a katuun te taratara kap rena u sipsip i tanen. Nonei e hatakei poutseien tara tou mate me haröto nena u rahatsing i tanen te kato hatagalena u rangan hiahanhaniga te kits gono meien e Sunahan na u katuun. Nonei u raranga te ka nitöana. Nonei e tatei taguhu ranou limiou ba limiou te katoemiou a manka te niga balana i matanen, te hamana uamia limiou tere Iesu Kristo. Aragi solosei e Kristo tara mamana pöata i murimuri. U mana.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

Hibru 5:2

Nonei a pris teka ema tagala kap nanei a man markato a man omi, taraha nonei a katuun tuun, ba nonei te tuatami na turu katuun ti moa ta niatei na tema kukutieri a maroro tere Sunahan.

1 Pita 3:20

A man namnamei teka nori u katuun u hihipus ti kaia tara pöata tere Noa i manasa. Nonei tara pöata e Sunahan e solon hahaloso me tuatami koruna tara pöata te kuie ia e Noa a tolaala. Kaba a töal puku a katuun ti töatöa turu uolo pan, a palai i mate.

1 Pita 5:4

Ba tara pöata te butu nama romana a katuun a kapan turu katunun taratarakap, ba limiou te luemiou romana a praisina i Kolö tema tatei taia nei.