1 Pita 2:24 - U Bulunagana U Niga

²⁴ E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

1 Pita 2:24 ပူးပေါင်းရင်းမြစ်များ

Matiu 27:26

Be Pailat e purese bera neien e Barabas tara karabus. Ba nonei e halahus nena e Iesu me hala mena neien i taren tegina nila menaien tara kuruse.

Matiu 5:20

Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”

Matiu 8:17

A ka teka e butu sil tega kato hamana menaien u raranga te ranga sila naia e Sunahan tere propet Aisaia i manasa. “Nonei peisa tega luban a mamana mar siki i tarara, na nonei has tega söateien.”

U Bulungana u Niga tere Iesu Kristo te kolotein e Mak 15:15

E Pailat e ngilin hamomolei a toriren me hapurese ba bera neien e Barabas. Ba nonei e halahus nena e Iesu me hala menaneien i taren tegina nila menaien tara kuruse.

U Bulungana u Niga tere Iesu Kristo te kolotein e Luk 4:18

“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 19:1

Be Pailat e luena e Iesu me halahus nanen.

Aposol 10:35

E Sunahan e haniga rena u katuun turu han hoboto te hatsunone ren na te kato hamatskör.

Aposol 10:39

“Alam tu tarei a manka hoboto te katoeien i Jerusalem na tara palair u han has turu Jiu. Ba nori e hakute rien tara kuruse me atung hamate ren.

Aposol 13:29

Na tara pöata ti kato hakapeien a mamanaka ti koloto mamin u propet, ba nori e atung hamateier e Iesu. Ba nori e lu hakoule rien tara kuruse, mena honge rien tara kioun mate.

Aposol 5:30

Alimiou tu nila naiam e Iesu tara kuruse me kato hamatie men, kaba a Sunahan turu tuburara te hatakei poutseien tara tou mate.

U pas te koloto menai e Pol turu kristenira i Rom 6:11

Na e markato has uana iesana i tamilimiou. Alimiou go kato here nami a peisamilimiou a katuun te mate ban a markato a omi na te ka gono mena e Iesu Kristo bate töatöa gono has mena e Sunahan.

U pas te koloto menai e Pol turu kristenira i Rom 6:13

Alimiou egoma tatei rongarongemi a markato a omi bate kana i peisa milimiou. E möa. Alimiou go hala naiam a peisa milimiou tere Sunahan bate katoe miou a man markato te nigana i tanen. Taraha, e here nei alimiou u takei pouts mia tara tou mate bate ka memiou a nitöatöa a tsimus.

U pas te koloto menai e Pol turu kristenira i Rom 6:16

Alimiou go atei sil haseiam, te hengo mena milimiou a töa katuun, ba limiou te kui pinopino tuun moa i tanen. Na te kukute mia limiou a markato a omi, ba nonei te piata mera noi limiou tara tou mate. Kaba te hengoe mia limiou e Sunahan bate kukuteimen, a nikaka i tamilimiou e matskö nitöana i matanen.

U pas te koloto menai e Pol turu kristenira i Rom 6:2

E möa koru! A markato a omi ema pan lel neia i tarara. Ara e hererari u katuun u mate te ka hatalis ba nera a markato a omi. Na ra ema antunan lu lelnaroi a markato teka.

U pas te koloto menai e Pol turu kristenira i Rom 6:22

Kaba i romana alimiou e hapolasa ba namiou a man markato a man omi, bate kui hatagala muma tere Sunahan. Na markato teka e habutena a markato a göagono tere Sunahan i tamilimiou, ba nonei te hala ranoui limiou a nitöatöa te ka nitöana.

U pas te koloto menai e Pol turu kristenira i Rom 6:7

Na esi te matena e tapurese ba nena a nitagala tara markato a omi.

U pas te koloto menai e Pol turu kristenira i Rom 7:6

Kaba i romana ara e hanöa ba nera a Lo, nonei te kits kap raioura. A Lo ti koloto naia turu buku i manasa. Kaba i romana ara e hatakui talera a markato a tsimus, te hala ranera u Namnamei tere Sunahan.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

2 Korin 6:17

E kato uana teka ba Tsunono te pei hasena, “Alimiou go laba ramen bate ka halhal ba ramen. Alimiou go rama koru naiam a ka a korkoriana, balia te töan lu ragou limiou.”

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Epesis 5:9

Taraha, u ualesala te habutena a mamanaka te nigana na te matsköna na te manana.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Kolosi 2:14

E Sunahan e luban u raranga tara markato a omi ti katoira te saka raira a Lo. E here nei e Sunahan e tapala naia u raranga teka tara kuruse te mateia e Iesu. Me luba hakapaba nitöa nanen.

Kolosi 2:20

Alimiou u mate gono meiam e Kristo, ga e hana ba limiou te kukute noahasemiou a man markatona i puta?

Kolosi 3:3

Taraha, alimiou u mate hakapaiam, na nimana tara nitöatöa i tamilimiou e mousuna tere Kristo ba limiou te ka hoboto mia tere Sunahan.

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 10:5

Pöata te katsin lama e Kristo tara han i puta, ba nonei e poeiena tere Sunahan, Alö ema ngil lenemi tegi haats uaien i tamölö. E möa. Alö i hale ii lia u tuenrei, ba lia te tatei katoe gou a mamanaka hoboto tu hopö kap bei lö alia ego katoeien.

Hibru 12:13

Taguhu raiam a palai bate sila ria tara maroro a matskö, bate tagala miou ba limiou te ka haniga miou.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.

1 Jon 2:29

Na te atei silemia limiou e Iesu nonei a katuun a matskö, ga lö e atei sil talem a katuun te kato hanigana nonei a pien tere Sunahan.

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.

Revelesin 22:2

Nonei e olo silaia i gusuna kalana tara taun a tsimus i Jerusalem. Na a huol a harerehina a ramun e kaia a man rueina tara nitöatöa ti roron hua mei a maloto na huol a pöata turu töa u hiningal. Na man kalaren i kato haniga pouts rai a man hun katuun.