1 Pita 2:17 - U Bulunagana U Niga

¹⁷ Hapan raiam u katuun hoboto. Ngil raiam u katuun te hamana gono merami limiou tere Kristo. Matouteiam e Sunahan, bate hapanemiou a gamman pan.

1 Pita 2:17 ပူးပေါင်းရင်းမြစ်များ

Matiu 22:21

Ba nori e poeier, “E Sisa.” Be Iesu e poeiena i taren, “Bara, hala talemi e Sisa a manka i tanen, bate hala hasemi e Sunahan a manka i tanen.”

U Bulungana u Niga tere Iesu Kristo te kolotein e Jon 13:35

Te hiangilngil moua limiou, ba u katuun hoboto te atei sile riou alimiou u katunun tsitsilo i tar.”

U pas te koloto menai e Pol turu kristenira i Rom 12:10

Hiangilngil iam te kato uar a man hahatoulana hamana. Na limiou go hapaneiam a tai i tamilimiou.

U pas te koloto menai e Pol turu kristenira i Rom 13:7

Alimiou go hala naiam a mamana takis turu katuun te lulueier a takis. Na limiou go hapan has raiam u katuun te panir bate solosei ramen.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

Epesis 5:21

Alimiou go haröto naiam te hapan mena milimiou e Kristo ba limiou te haka putemiou a peisa milimiou.

Pilipai 2:3

Alimiou goma hakats peisa nami a peisa milimiou bate hapane men. E möa. Alimiou go hala puteiam a peisa milimiou. Bate tara herenami a tana katuun nonei te pan bala ranou limiou.

1 Timoti 6:1

U katuun te karia tara tou kits turu katunun kukui puku egi tara marei a tsunono i taren bate solosei raren. Taraha, u katuun e namots ranga hohomi ner a solo tere Sunahan na u hihatuts i tarara.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 2:13

Alimiou go kukuteiam u ngilngil tara Tsunono bate haka pute miou a peisa milimiou turu katuun hoboto te pan ria i tamilimiou. Alimiou go ka puta mia tara gamman pan te pan koruna i tamilimiou, na turu gamman u tetenei has te hala merien u nihahuna turu katuun te kato homir bate solosei rer u katuun te kato hanigar.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”