1 Pita 2:10 - U Bulunagana U Niga

¹⁰ I manasa alimiou ima katuun uami tere Sunahan, kaba i romana alimiou u katuun i tanen. Na limiou ima atei silemi te taatagi mera nei e Sunahan u katuun, kaba i romana alimiou e atei silemiou e Sunahan e taatagi ranou limiou.

1 Pita 2:10 ပူးပေါင်းရင်းမြစ်များ

U pas te koloto menai e Pol turu kristenira i Rom 10:19

Na lia e rangata leligu, nori a tei Israel ima atei ii? E möa. Nori i atei has, kaba nori ima kukute ii u raranga. E Mosis e kolotein a ka teka te ranga meraia e Sunahan u Jiu: “Alia e kato ragou limiou ba limiou te hiomi moua turu katuun tema Jiu ri, u katuun te ngö rami limiou u katuun u tutu, ba limiou te töan raharaha koru mou.”

U pas te koloto menai e Pol turu kristenira i Rom 11:30

Alimiou uma hengoe mi e Sunahan i manasa, kaba i romana e Sunahan e taatagi ranou limiou, taraha u Jiu e lagi hengor.

1 Korin 7:25

Alia u möa tu ranga tu tagala tara Tsunono te hatei nena u katuun u tabuna hitöl. Kaba a Tsunono e taatagi nanou lia bate hamane noulia. Na lia e hatei ragi limiou u hakats i tar.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.

Hibru 4:16

Na aragi ongolo tala bate la hasukusuku uara tara makum a göagono tere Sunahan tara pöata te singo ria ra, taraha nonei e taatagi ranoura ra. Na saha pöata tema tagala reia ra, nonei e taatagi ranou ra bate taguhu ranou ra.