1 Pita 1:8 - U Bulunagana U Niga

⁸ Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

1 Pita 1:8 ပူးပေါင်းရင်းမြစ်များ

Matiu 10:37

“A katuun te ngil koruena e tamanen na e tsinanen, batema ngile nei lia, nonei ema katuun hamana uanei i tar. Na katuun te ngil koruena a pien tson i tanen na pien tahol i tanen batema ngile nei lia, nonei ema katuun hamana uanei i tar.

U Bulungana u Niga tere Iesu Kristo te kolotein e Jon 14:15

Be Iesu e pei lelena, “Te ngile mia limiou alia, hengoeiam u raranga i tar.

U Bulungana u Niga tere Iesu Kristo te kolotein e Jon 14:21

A katuun te hengoena u raranga i tar bate kukutie nen, nonei a katuun teka te ngile noulia. Be Tamar te ngil hase nou a katuun te ngile noulia, na lia has e ngile gouen ba lia te hatare goien a peisar.”

U Bulungana u Niga tere Iesu Kristo te kolotein e Jon 14:24

Kaba u katuun tema ngileri lia ema hengo haseri u raranga i tar, na u raranga te hengoe milimiou ema la nameia i tar, kaba e la nama tere Tamar te tula namou lia.

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

U Bulungana u Niga tere Iesu Kristo te kolotein e Jon 20:29

Be Iesu e poeiena i tanen, “Alö e hamana mem te tara mena milö alia. A nikalala pan turu katuun tima tarei lia kaba nori e hamana noa hasir.”

U Bulungana u Niga tere Iesu Kristo te kolotein e Jon 8:42

Be Iesu e poeiena i taren, “Sanena tego hatamana uamia limiou tere Sunahan, alimiou sane ngile moulia, taraha alia u la hamatsköma tere Sunahan. Alia uma la memei u ngil peisa i tar. E möa. Nonei te tula na moulia.

Aposol 16:34

Ba nonei e lu rena ere Pol mere Sailas mena sei ria i luma i tanen, ba nonei e hanou ranen. Nonei na pala hoboto i tanen i sasaala koru mei ti hamana uaien tere Sunahan.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

2 Korin 1:22

Nonei e böto kap sil raira tegi katuun uu ra i tanen, me hala has raneira u Namnamei i tanen, a ka tutuun te hatei raneira a mamanaka te ranga hamana naien ena la nama romana.

2 Korin 12:4

Alia u hengoema a manka man kapan koru tema antunan hatei nari turu mar ranga turu katuun, a manka man göagono tema tatei haröto naria i puta.

2 Korin 4:18

Taraha, alam ema taremi a ka te tareier, kaba lam e tarem a ka tema tareri. A ka te tareier, a kana i romana puku, kaba a ka tema tareri, e ka nitöa nou romana.

2 Korin 5:7

Taraha, alam e tataala mia turu nihamana. Alam ema tataala memi a ka te tare mulam.

2 Korin 9:15

Aragi haniga uu tere Sunahan te hala mera meienra nonei a ka a niga koru te niga bala nena a mamanaka, nonei a Pien i tanen.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Epesis 3:19

Alia e singo silegu alimiou e tatei atei silemiou ime temar ngil koru mera nei e Kristo u katuun, noahasina te pan bala mena nei u ngilngil teka a niatei turu katuun. Kaba a mamanaka a niga te saputu mena e Sunahan alimiou e saputu has memouen.

Epesis 6:24

E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

Pilipai 1:25

Alia e hamana koruegu a ka teka, na lia e atei silegu alia e töatöa gou. Alia e ka gono noahas meragou limiou hoboto bate taguhegu a nihamana i tamilimiou tega pan haniga susul uaien, ba limiou te sasaala has mou.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!

Hibru 11:1

A markato turu nihamana e markato uana teka: ara e atei silera a manka te hamana sile rara e butu hamana nou. Na ra e atei silera a manka tema tare rei ra e mana noahasina.

Hibru 11:27

Turu nihamana noahas tere Mosis ba nonei laba nena i Itsip. Nonei ema matoute ii te raharaha uu a king. A katuun ema antunan tare nei e Sunahan, kaba e Mosis e herei e tareien bate tagala silena a ka te ngilin katoeien.

1 Pita 1:6

Alimiou go sasaalaiam, noahasina te ka mena milimiou a nitaatagi tara tsitabubun pöata te roron butuna a mamana niomi na u mamana u kamits i tamilimiou.

1 Pita 2:7

A hatu teka e haharuei nena e Iesu. Nonei e taguhu koru ranou limiou u katuun te hamana miou. Kaba turu katuun tema hamanari, u ranga e markato uana teka, “A hatu ti hapiraka ban u katunun kukui luma, nonei a hatu te niga balana tara toukuina tara luma.”

1 Pita 5:4

Ba tara pöata te butu nama romana a katuun a kapan turu katunun taratarakap, ba limiou te luemiou romana a praisina i Kolö tema tatei taia nei.