1 Pita 1:6 - U Bulunagana U Niga

⁶ Alimiou go sasaalaiam, noahasina te ka mena milimiou a nitaatagi tara tsitabubun pöata te roron butuna a mamana niomi na u mamana u kamits i tamilimiou.

1 Pita 1:6 ပူးပေါင်းရင်းမြစ်များ

Matiu 11:28

“La uamuma i tar, alimiou hoboto te kui hatagala koru miou, bate söate miou a nitiama a kapan koru. Alia e hahusa ragou limiou.

Matiu 26:37

Ba nonei e la meraiena ere Pita mera huol pien tson tere Sebedi, a torinen e tiama koru me taatagi koruna.

Matiu 5:12

Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”

U Bulungana u Niga tere Iesu Kristo te kolotein e Luk 10:20

Kaba alimiou goma sasaala memi u liliahanei u omi te hengo mera ri ien limiou. Alimiou go sasaala meiam a solomilimiou i koloto hakapa naia i Kolö.”

U Bulungana u Niga tere Iesu Kristo te kolotein e Luk 2:10

Ba angelo e poeiena i taren, “Alimiou goma matout mi. Alia e la meguma u bulungana u niga tara nisasaala i tamilimiou na turu katuun hoboto.

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 5:11

Ba ra te soloseiera e Sunahan bate sasaalara, taraha a Tsunono i tarara e Iesu Kristo te putin tegi ka haniga pouts gono menaira e Sunahan.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

2 Korin 4:17

Na matsi tabubun nomi te kana i tamulam e kato taatago ranei lam a nitöatöa a nigan töa te ka nitöana romana, a nitöatöa te pan bala nanou a mamanaka.

2 Korin 6:10

U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Pilipai 2:26

Nonei e ngilin tara koru ranou limiou hoboton töa, na nonei e hakats haparpara koruna, taraha alimiou u hengo naiam te siki uaien.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!

1 Tesalonaika 1:6

Alimiou u kukuteiam a markato i tamulam na Tsunono has. Taraha, alimiou u hengo hanigeiam u raranga i tamulam. U katuun i omi raiou limiou tu hamana uaiam limiou, kaba u Namnamei u Göagono e kato hasasaala noahas raiou limiou.

Jemis 1:2

A matsi hahatoulana i tar, pöata te butuna a manka man omi i tamilimiou, sasaalaiam.

Jemis 1:9

E toularara te katuun papala koruna ega sasaala, taraha e Sunahan e haka seienen.

Jemis 4:9

Kato here nami a peisa milimiou a katuun te hahurina, ba limiou te tabemiou. Gol hanöaiam, ba limiou te ngala tuun miou. Sasaala hanöaiam, ba limiou te mataloho tuun miou.

1 Pita 3:17

Te tus raira e Sunahan aragi sagoho kamits, e nigana. Na te kamits merara te katoe rara a markato a omi, e niga hasina. Kaba te kamits merara te katoe rara a markato a niga, a ka teka e niga balana.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.