1 Pita 1:22 - U Bulunagana U Niga

²² Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 1:22 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 15:17

Na lia e hatei ragi limiou u raranga teka ba limiou te hia ngilngil miou.”

U Bulungana u Niga tere Iesu Kristo te kolotein e Jon 15:3

Alimiou i kato hagogoso hakapa raia ti hengo haniga mena milimiou u raranga ti hatei rai lia limiou.

U Bulungana u Niga tere Iesu Kristo te kolotein e Jon 17:17

Na u raranga i tamölö e mana nitöana. Alö go ranga hahengo raien ba nori te hatalis ba ner a man markato a man omi.

U Bulungana u Niga tere Iesu Kristo te kolotein e Jon 17:19

Na lia e hala menagi a peisar i tamölö tego taguhu merai lia u katuun teka, ba nori te hala has menari a peisaren i tamölö.

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 2:8

Na palair u katuun e hakats peisa ner a peisaren bate tori tsuga ba ner u raranga u mana bate kukuteier a markato a omi. Na e Sunahan e raharaha ranouen bate hahuna ranen romana.

U pas te koloto menai e Pol turu kristenira i Rom 8:13

Na te kukutie moa limiou u ngilngilina i puta ba limiou te mate mou. Kaba te taguhu ranoua limiou u Namnamei, ba limiou te kato hamatiemou a markato a omi turu ngilngilina i puta, ba limiou te töatöa mou.

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

Galesia 3:1

Alimiou u katunura i Galesia alimiou u katuun u tutu. Alam u hatara hakapa rai limiou e Iesu Kristo, te mate uaien tara kuruse tego luba menaien a man markato a man omi.

Galesia 5:5

Kaba tara nitagala turu Namnamei u Göagono bara te hamana ra tere Sunahan. Bara te hahalosera tego ngö meraien ra u katuun u matskö.

Galesia 5:7

Alimiou u kato haniga mam koru iam. Kaba esi te hapiou raiou limiou tegoma hengo mena milimiou u raranga u mana?

Epesis 4:3

Alimiou go torohana hatagala iam tego pile kap hoboto mena milimiou u töa u hakats te hala nema u Namnamei tere Sunahan, ba limiou te ka haniga hobotomiou.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

1 Timoti 5:2

Na lö go kato rai a touhaliou pan u tsinamölö bate kato here has rami u kukubei u hahinamölö turu hakats u gogoso.

2 Timoti 1:14

Pile kap hanigein a ka a niga te hale ii lö u Namnamei u Göagono te kana i torirara.

Hibru 11:8

Te hamana menai e Abraham e Sunahan me hengoena te ngö menaien tega la uaien tara han tena hala nanouen, temar ranga uu e Sunahan. Be Abraham e laba nena han i tanen, kaba nonei ema atei sile ii ime tega la uaien.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

Jemis 4:8

La hasukusuku uaiam tere Sunahan, ba nonei te la hasukusuku has uanama i tamilimiou. Kato hagogoso poutseiam a peisa milimiou, alimiou tu kato homi iam. Kato haniga poutseiam a torimilimiou, alimiou te hula hakatsmiou.

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

1 Pita 2:17

Hapan raiam u katuun hoboto. Ngil raiam u katuun te hamana gono merami limiou tere Kristo. Matouteiam e Sunahan, bate hapanemiou a gamman pan.

1 Pita 3:1

Na tara markato hobotona tara nikaka a niga, alimiou a touhaliou ego haka pute mia a peisa milimiou tara pal tson i tamilimiou. Na sanena a palai i taren egima hamane ii u raranga tere Sunahan, nori e tatei hamana sila has ria tegi tara menaien a markato a niga i tamilimiou. Na tema katoe milimiou tu töa tu ranga i taren, a palai e tatei hamana noahasir, taraha nori e tare riou te kato mena milimiou a markato a gogoso na markato te hapan mena milimiou a Tsunono.

1 Pita 3:20

A man namnamei teka nori u katuun u hihipus ti kaia tara pöata tere Noa i manasa. Nonei tara pöata e Sunahan e solon hahaloso me tuatami koruna tara pöata te kuie ia e Noa a tolaala. Kaba a töal puku a katuun ti töatöa turu uolo pan, a palai i mate.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 4:17

A pöata tega hatanian ona merai e Sunahan u katuun e butu hakapa, na nonei e ona mam ranou u katuun i tanen. Na te hatania nen romana i tarara, ga ime tena mar kapa uanoen romana turu katuun te hipus ner u Bulungana u Niga i tanen?

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

1 Jon 3:11

Nonei u raranga teka tu hengo mam naiam limiou: aragi ngili a tabina katuun.

1 Jon 3:23

Na u raranga tere Sunahan teka: aragi hamanaia tere Iesu Kristo a Pien Tson i tanen ba ra te hiangilngilira, nonei teka u raranga tere Sunahan.

1 Jon 4:12

Emoa ta töa ta katuun tego tara noabi e Sunahan. Kaba te ngil korue rara a tana katuun, be Sunahan te kana i tarara. Ba u ngilngil i tanen te butu haniga nitöa noa i tarara.

1 Jon 4:20

Te rangana katuun bate poeiena, “Alia e ngil korueieg e Sunahan,” bate pakörena u toulanen tsi u hahinanen, nonei a katuun a gamogamo. Taraha, a katuun te tarena a man toulanen batema ngil raneien, nonei ema antunan ngil has nanei e Sunahan.

1 Jon 4:7

A matsi hahikapien, aragi ngil korui a tana katuun, taraha u ngilngil hamana e la nama tere Sunahan. Na katuun te ngil hamanena a tana katuun e pala uana tere Sunahan, bate atei silena e Sunahan.

Revelesin 2:4

Kaba a töa ka te omina: alimiou ema mar ngil mena milia tu mar ngil mam mena milimiou alia.