1 Pita 1:17 - U Bulunagana U Niga

¹⁷ Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

1 Pita 1:17 ပူးပေါင်းရင်းမြစ်များ

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

Matiu 6:9

“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.

U pas te koloto menai e Pol turu kristenira i Rom 11:20

E manana. Nori i peko ba merai tima hamana uaien. Kaba limiou e ka sila tuun mia turu nihamana. Bara! Ka haniga talaiam batema saalemi a peisamilimiou. E möa. Alimiou go matout iam.

2 Korin 1:2

A nikalala na masalohana tere Sunahan e Tamarara, na Tsunono e Iesu Kristo e tatei kagono meranou limiou.

2 Korin 5:6

Bate markato uana teka, alam e ongolo korum na lam e atei silem, a pöata te ka noa mia lam tara han i puta teka, alam ema ka gono memi a Tsunono tara han i tanen.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

2 Korin 7:11

Tara, a nitaatagi te halani e Sunahan e kato haniga raiou limiou: alimiou e hakats hatagala tala namiou a markato i tamilimiou. Alimiou e tagala koru silemiou tego haröto mena milimiou a markato a niga. Alimiou e raharaha memiou a markato a omi bate matoutmiou. Alimiou e sagoho koruemiou a manka teka bate tagala silemiou a markato a niga. Na limiou e ngilin hahuna koruemiou a katuun te kato homina.

Galesia 2:6

Na pal kapan turu lotu ima hapone ii tu töa tu raranga tara man ranga i tar. Alia ema hakats hapara nagi te pal kapan uaren taraha, e Sunahan ema hakats has nanei a solo a kapan tara katuun. E möa.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

Epesis 3:14

Pöata te hakats nagia lia a manka teka, ba lia te hatukunugu bate singo uagu tere Tamar, nonei te katoe a mamanaka te kana i Kolö na i puta na nonei has te hala raien a man solo.

Epesis 6:9

Na limiou u tson mammam, alimiou go markato has uaiam iesana turu katunun kui i tamilimiou, ba limiou tema ranga hamatmatout ramien. Alimiou na u katunun kui i tamilimiou e ka memiou a töa puku a Katuun Pan i tamilimiou i Kolö, na nonei e ngil hahihinatoe hoboto rena u katuun.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Kolosi 3:25

A katuun te kato homina e lu hase nou a hihol tara markato a omi i tanen. E Sunahan e ngil hoboto rena u katuun pan na u katunun kui tara manka ti katoeien.

Hibru 12:28

Na ragi haniga uu tere Sunahan te ka uaria ra tara nipepeito i tanen tema antunan gas nari. Aragi hatsunoneien na ragi singo uu i tanen, bate hapane ren na aragi matout haseien.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

1 Pita 3:15

Alimiou go hapaneiam e Kristo i tori milimiou, ba nonei te Tsunono ranou limiou. Na tara mamana pöata alimiou go hanei sileiam ta katuun tego rangata railimiou a saha ka te hamana sile milimiou, ba limiou te ranga palis ramen bate ranga hatami mia i taren batema sigala ramien.