1 Pita 1:12 - U Bulunagana U Niga

¹² E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Pita 1:12 ပူးပေါင်းရင်းမြစ်များ

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

U Bulungana u Niga tere Iesu Kristo te kolotein e Mak 16:15

Ba nonei e poeiena i taren, “La uaiam turu han hoboto i puta batena rarariemiou u Bulungana u Niga turu katuun hoboto.

U Bulungana u Niga tere Iesu Kristo te kolotein e Luk 15:10

Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

U Bulungana u Niga tere Iesu Kristo te kolotein e Luk 2:26

U Namnamei u Göagono e ranga hakapa meien nonei e tara noua tara Tsunono e Mesaia i mamina tego mate uaien.

U Bulungana u Niga tere Iesu Kristo te kolotein e Luk 9:6

Ba u aposol e taker me la sila ria iahana man han, me hihatuts laner u Bulungana u Niga me kato haniga pouts raier u katuun tara mamana han.

U Bulungana u Niga tere Iesu Kristo te kolotein e Jon 15:26

“Kaba lia ena hala na guma a katunun hihitaguhu i tamilimiou, ba nonei temi hatei nanou lia, nonei u Namnamei na tara nimana te hala na nama e Tamar.

Aposol 10:44

Pöata te ranga noahasia e Pita ba u Namnamei u Göagono tere Sunahan e koul nama memi tö na turu katuun hoboto ti hengo u ranga.

Aposol 16:10

Pöata te tara hakapeien u hiharöto, ba lam e haseseim me torohanan lauaiem tara provins i Masedonia, taraha alam u atei sil e Sunahan e ngö sil rai lam tegona polasa menai lam u Bulungana u Niga turu katuun tara han teka.

Aposol 2:33

Na nonei e la hakapa uu iasa mena gumna i rehina e Sunahan, be Sunahan e hale neien u Namnamei u Göagono te ranga mam naien i manasa. Na, a ka te tare milimiou na te hengoe milimiou nonei u Namnamei teka te hala rameien lam.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Aposol 4:8

Ba u Namnamei u Göagono e saputena e Pita me ranga palis uana i taren, “Alimiou u pal kapanira i Israel na u tsunono.

Aposol 8:25

Ba pöata te hatei hakapa naia e Pita mere Jon u raranga tara Tsunono, ba nori e kopis pouts uaier i Jerusalem me hahatei lala na lila u Bulungana u Niga tara man han a man parpara tara Provins i Samaria.

U pas te koloto menai e Pol turu kristenira i Rom 1:15

Na lia e ngilin habulungana koru has nagia u Bulungana u Niga i tamilimiou u katuun te ka mia i Rom.

U pas te koloto menai e Pol turu kristenira i Rom 1:17

Taraha, u Bulungana u Niga e haröto nena te markato hamatskö mera nei e Sunahan u katuun i matanen tara pöata te hamana uaren i tanen, ba nonei te kato hamatskö ranen. Ba ka teka te taguhu ranen ba nori te hamana haniga koru lel ria i tanen. Ti mar koloto has menaien turu Buku u Göagono, “A katuun te matsköna i matana e Sunahan bate hamanana, a katuun teka te töatöa nitöa nou.”

1 Korin 2:10

A mamanaka teka e Sunahan e haröto sila raien ra turu Namnamei i tanen. Taraha u Namnamei e tara sabiena a mamanaka tara mamana makum na e tara sabe hasena a mouna a manka tere Sunahan te mousuna.

2 Korin 1:22

Nonei e böto kap sil raira tegi katuun uu ra i tanen, me hala has raneira u Namnamei i tanen, a ka tutuun te hatei raneira a mamanaka te ranga hamana naien ena la nama romana.

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

Galesia 1:12

E möa ta katuun tega hatutse ii lia u raranga teka. Kaba e Iesu Kristo te haröte ii lia a man raranga teka.

Galesia 1:16

Na pöata te hatareien lia a Pien Tson i tanen, tegona rarare menai lia u Bulungana u Niga i tanen tara palaier u katuun halhal, alia uma rangatei ta katuun ta saha taka tegona katoi lia. E möa.

Epesis 3:10

Nonei e kato sile ii a ka teka tego haröto menaien a mamana mar niatei i tanen i romana. E haröto sila naien turu katuun i tanen ba u angelo na pal kapan tara han i Kolö te tatei tare ren.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Hibru 11:13

U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.

Hibru 4:2

U Bulungana u Niga e la uama i tarara, temar la has uamen turu katuun teka i manasa. Nori i hengoe u bulungana, kaba u raranga teka ema taguhu raien, taraha nori i hengo papala tuneien bate hahamanar.

1 Pita 1:25

Kaba u raranga tara Tsunono e ka nitöana.” Na u raranga teka nonei u Bulungana u Niga ti habulungana naia i tamilimiou.

1 Pita 4:6

Nonei a ka ti habulungana bei u Bulungana u Niga turu katuun ti mate, u tuanrei i taren ti onari bate mater, kaba u namnamei i taren te tatei töatöar temar töatöa uana e Sunahan.

Revelesin 5:11

Ba lia e taregu, be hengoegu a rungur u angelo u parpara koru tema antunan ase rari, bate tuol hahiser u gumgum u göagono na tohats a ka a töatöa na u katuun u tsunono. Ba lia e hengoegu ti hets hapan uaien bate poeier, “E matsköna tego ka menai a Tunan Sipsip ti atung hamati a nitsunono na mamanaka a niga na u hakats u matskö na nitagala. E nigana te hapan mena roien a mamanaka bate soloseie ren bate haniga uaier i tanen!”