1 Korin 9:5 - U Bulunagana U Niga

⁵ Ge ma niga nei tego tataala gono menai lam ta tahol ta kristen te markato uaier a palair u aposol na u toulana has a Tsunono, na e Pita has?

1 Korin 9:5 ပူးပေါင်းရင်းမြစ်များ

Matiu 13:55

Nonei toum banei a pien tere Josep a kapenta na e tsinanen toum te ngöeri e Maria na u toulanen toum ere Jemis mere Josep na e Saimon na e Judas?

Matiu 8:14

Pöata te tasuia e Iesu iahana luma tere Pita ba nonei e tarena e tsinana a tahol tere Pita, te opö menaien u baku kamits.

U Bulungana u Niga tere Iesu Kristo te kolotein e Mak 1:30

A halis a tahol tere Saimon e opö mei u baku kamits ba nori e hatei naren tere Iesu.

U Bulungana u Niga tere Iesu Kristo te kolotein e Mak 6:3

Nonei a kapenta, a pien tson tere Maria. Na u toulanen ere Jemis mere Josep ne Judas ne Saimon, na u hahinanen e ka has ria i gusu rara teka.” Ba nori e raharahe ren.

U Bulungana u Niga tere Iesu Kristo te kolotein e Luk 6:15

Na e Matiu ne Tomas, na e Jemis a pien tson tere Alpius ne Saimon na i Silot.

U Bulungana u Niga tere Iesu Kristo te kolotein e Luk 8:20

Ba töa katuun e poeiena tere Iesu, “E tsinamölö na u toulamölö e tuol ria ielesala, nori e ngilin tare rioulö.”

U Bulungana u Niga tere Iesu Kristo te kolotein e Jon 1:42

Ba nonei na piou nena e Saimon tere Iesu. Be Iesu e tare nen me poeiena, “Alö e Saimon, a pien tson tere Jon. Alö e ngöe roi e Sipas” (te poe hasena, “e Pita,” na te poe hasena, “a Hatu”).

U Bulungana u Niga tere Iesu Kristo te kolotein e Jon 2:12

I murina te kapaia a hitöl, be Iesu e la gono meiena e tsinanen, nu toulanen na u katunun tsitsilo i tanen i Kapenium tina gamon kaien a tsi tabubun pöata.

Aposol 1:14

U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

U pas te koloto menai e Pol turu kristenira i Rom 16:1

Alia e ngilegu alimiou go hanigeiam e Poebe te butu noen romana i tamilimiou. Nonei a hahahinana i tarara tara pala tere Kristo na e kui beiena u katuun tere Kristo i Senkria.

1 Korin 1:12

Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 7:15

Kaba te laba nena lö a hahikapien tema hamana nei, haka ban, alö ema kits mia turu hamalina tara hitöl. Kaba e Sunahan e ngö sil railimiou u mun tahol tego ka hoboto haniga uaiam limiou.

1 Korin 7:39

A tahol e kits mena tson i tanen tara pöata te tötöa noa na a tson i tanen. Kaba te matena a tson i tanen, ba tahol te tatei hitöl mena tana tson tega ngil uaien. Kaba nonei ega hitöl mei a tson te hamanana.

1 Korin 7:7

Alia e ngil koruegu alimiou hoboto ego here milia. Kaba a man tötöa i tarara e ka mer a man nitagala te hala raien e Sunahan. A palai e kato hanigar tegi kaka puku uaien, na palai e kato haniga hasir tegi hitöl uaien.

1 Korin 7:8

Turu katuun tema hitöl noa ri na u amoaba, alia e poegu, e niga koruna alimiou goma hitöl mi te markato has uagu lia.

Galesia 1:19

Kaba lia uma tarei ta tabina ta aposol. Alia u tara lasi e Jemis e toulana hamatskö a Tsunono.

1 Timoti 3:2

A katunun pepeito kap turu lotu ema tatei ka menei ta ka ta omi i tanen. Nonei ga ka mei a töa puku a tahol. Na nonei ga hakats haniga bate hala puteiena u ngil i peisanen bate kato hamatsköna. Nonei ga tara sil a taina katuun bate ngö menaneien i luma i tanen. Na nonei ga atein hihatuts has.

1 Timoti 4:3

Nori ena hapiou nariou tegi hitöl uu katuun, na e hapiou ba has raroui a palaina a kannou te habuti e Sunahan egi lu mei u katuun te hamanar na te atei siler a ka a mana, a niniganiga.

1 Timoti 5:2

Na lö go kato rai a touhaliou pan u tsinamölö bate kato here has rami u kukubei u hahinamölö turu hakats u gogoso.

Taitus 1:6

A tson mammam ega kamei a markato a niga bu katuun tema tatei ranga sile rien, na nonei ega kamei a töa puku a tahol na galapien i tanen egi kamei u nihamana tere Kristo na markato a niga, ba u katuun tema tatei ranga sileri tegi hipus uaien, tsi tegi hipus menaien e tamaren na e tsinaren.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.