1 Korin 9:26 - U Bulunagana U Niga

²⁶ Alia ema kui pinopinogi. Na lia ema heregi a katuun te muku pinopinoena a lomolomo. E möa.

1 Korin 9:26 ပူးပေါင်းရင်းမြစ်များ

Matiu 11:12

Na tara man pöata tere Jon a Tsonun Baptais bate noana i romana, u katunun hiatatung i tagala sil korui a Nipepeito tere Sunahan, ba nori e torohana hatagala sil haser tegi tasu uen i tanen.

U Bulungana u Niga tere Iesu Kristo te kolotein e Luk 13:24

Be Iesu e ranga palise nen me poeiena turu katuun ti ka gono meien, “Alimiou go torohana hatagalaiam bate sila moua tara tamana a tekteki. Taraha? Alia e ranga mera goulimiou, a katuun a parpara e torohanan tasur romana kaba ema antuna roui.

1 Korin 14:9

Na e kato has uana iesana i tamilimiou. Te ranga namia limiou u tana u mar ranga te tutu ner u katuun, ga ime temar atei sil mena roien a ka te ranga nami limiou? E möa. Taraha, u ranga i tamilimiou a lomolomo pinopino.

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

Galesia 2:2

E Sunahan noahas te hatarein tego la uu lia. Ba lia ena gum gono meraiegu a pal kapan turu Lotu me hatei ragien u Bulungana u Niga, ti roron ranga merai lia u katuun te halhal ria turu Jiu. Alia u mar hakats u teka: A toukui ti katoema lia i manasa te antunana i romana ena mots lalapukuna.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Pilipai 1:21

Taraha, a mouna a nitöatöa i tar e Kristo. Na te mate goua lia, ba lia te lue gou a nitöatöa te niga balana.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 2:5

Na e kato has uana tara katuun te pipiatana turu resis, ega kukute hanigei a lo turu resis.

2 Timoti 4:7

Alia u pipiata hatagala koru, na lia u hakapa hanigei a nitataala i tar bate pile hakarapoto noahas negu u nihamana i tar.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

2 Pita 1:10

E markato uana teka, a matsi hahatoulana, alimiou go kato hatagala sileiam tego kato mena milimiou a man markato a man niga te haröto nena e Sunahan, nonei e ngö hamana raiou limiou me hopö kap ranou limiou. Te markato uamou limiou teka, alimiou ema antunan rus ba namoien.