1 Korin 9:20 - U Bulunagana U Niga

²⁰ Pöata te ka gono mera gia lia u Jiu, alia e kato has uagu te kato uaren bate las mera gien tara Tsunono. Na pöata te ka gono mera gia lia u katuun te kukutier a Lo, alia e kato has uagu te kato uaren. Alia e kato silegi a ka teka tego las meraien lia tara Tsunono, kaba lia töa ema ongo gia tara Lo teka.

1 Korin 9:20 ပူးပေါင်းရင်းမြစ်များ

Aposol 16:3

Pol e ngil korui e Timoti ga la gono meien. Ba nonei e lue nen me hapö nanen, taraha, u Jiu hoboto ti kaia tara han teka i atei sil e tamane Timoti a toun Grik. A tei Grik ima kukute ii a markato te hapö uaier ti tagala mei u Jiu.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

U pas te koloto menai e Pol turu kristenira i Rom 11:14

Alia e kato silegu tegi hiomi uu katuun i tar, bate habirits pouts menari u hakats i taren tere Sunahan be Sunahan te lu pouts ranou a palai i taren.

U pas te koloto menai e Pol turu kristenira i Rom 3:19

Ara e atei silera a mamanaka te ranga nena a Lo tere Mosis e la uana turu katuun te kukuteier a Lo teka. A ka teka e hapiou rena u katuun hoboto te ngilin poeier, “Alia e möa ta markato ta omi.”

Galesia 2:19

A Lo turu Jiu e haröte nei lia, alia e heregi a katuun e mate hakapa, taraha alia ema antunan kukute haniga nitöa nagi a Lo. Na tara maroro teka alia e töatöa gono megu e Sunahan. Na lia u kute gono hakapa meia e Iesu tara kuruse me mate gono megen.

Galesia 4:21

Alimiou te ngilin kamia i kopina a Lo turu Jiu, alia e hatei tala ragou limiou: hengoeiam a ka te ranga nena a Lo tere Mosis.

Galesia 4:5

E Sunahan e hala sile meien tegomi sakahis meraien ra ti ka uu ra i kopina Lo, bara te pala uara i tanen.

Galesia 5:18

Kaba te mam rana limiou u Namnamei tere Sunahan, alimiou ema ka lel mia i kopina a Lo turu Jiu.