1 Korin 9:1 - U Bulunagana U Niga

¹ Alia a aposol, alia u tara hakapi e Iesu a Tsunono i tarara, na nonei e purese ba hakapein a kits kap i tar tara markato a omi. Alia u taguhu raiou limiou bate hamana uamiou tara Tsunono. Alimiou a kannou tara nikukui i tar.

1 Korin 9:1 ပူးပေါင်းရင်းမြစ်များ

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 14:14

Kaba a pöata te hengo naia e Banabas mere Pol u raranga tara ka teka, ba nori e kiiseier u hasobö i taren, e haröto nena te rama koru mena rien a markato teka. Ba nori e piata uar i gusur u katuun ba nori e kur,

Aposol 14:4

Kaba u katuun tara taun teka i lu kataia i hagus. A palai i hanigei u ranga turu Jiu, na palai i hanigei u raranga turu aposol.

Aposol 23:11

Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Aposol 9:17

Be Ananias e lana mena tasuna tara luma tere Judas. Ba nonei ena hatakopena a limanen tere Sol me poeiena, “O Sol, ara e muntoulana sila ria tere Kristo, a Tsunono te tula nena moulia. E Iesu, te butuma i tamölö i kalana tara pöata tu la uamalö teka, nonei te tula nena moulia tegomi taguhu menai lia alö balö te tara haniga pouts mou, balö te saputu memou u Namnamei u Göagono tere Sunahan.”

Aposol 9:3

Be Sol e la uana i Damaskus. Ba pöata te sukusuku ien tara taun teka ba u töa u ualesalana te hereia u kanaha e koul nama i Kolö me piraha hahisenen.

Aposol 9:5

Ba e Sol e rangatana, “O tsunono, alö esi?” Ba nonei e poeiena, “Alia e Iesu, a katuun te kato hakamitse mölö. Te kato hakamits ramia lö u katuun i tar, alö e kato hakamits hase moulia.

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 11:13

Na lia e ranga gia i tamilimiou u katuun tema Jiu ri. Alia a aposol te hala mena lei e Sunahan i tamilimiou u katuun tema Jiu ri, na lia e ngil koruegu a toukui i tar.

1 Korin 1:1

Alia e Pol, e Sunahan e ngil sile ii lia tegomi kui mei lia a toukui tere Iesu Kristo. Alam mere Sostenis e toularara e koloto menami u pas teka turu katuun tere Sunahan i Korin te kato hagöagono sila raia tere Iesu Kristo. E Sunahan e ngö sil rai limiou tego katuun uaiam limiou i tanen timar ngö has merai u katuun te hamana ria tere Iesu Kristo tara mamana makum, te hatsunoner e Iesu Kristo, a Tsunono i tarara na i taren has.

1 Korin 10:30

Te haniga sile gula lia a kannou tere Sunahan, e hana ba taina katuun te poeiena, e omina te nou mena gilia a kannou te haniga sile gula lia tere Sunahan?

1 Korin 11:16

Te hipus nanoua ta töa ta katuun a markato teka, alia e hatei ragou limiou alam na man hun katuun has tere Kristo alam i möa ta taina ta markato tara pöata te lotu mia lam.

1 Korin 3:6

Alia u lebi a kannou be Apolos tena haramun ranen. Kaba e Sunahan lasi a töa te katoeiena a kannou bate pusuku hanigana.

1 Korin 9:19

Alia ema katunun kukui puku uagi ta töa ta katuun. Kaba lia e kato here nagi a peisar a katunun kukui puku turu katuun hoboto ba lia te tatei lase gou a katuun a parpara bate hamana uaier tara Tsunono.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

2 Korin 11:5

Alia e peiegu u aposol gamogamo teka ema pan bala nari lia.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

1 Tesalonaika 2:6

Alam ema kui silemi a solo pan te aposol uamulam. E möa. Alam ema ngilemi alimiou go hapan ramou lam na lam ema ngil hasemi a tana katuun ega hapan raiou lam. E möa.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

2 Timoti 1:11

E Sunahan e hopö kap mei lia tego aposol uu lia na tego habulungana menai lia u Bulungana u Niga teka bate hihatuts nagen.