1 Korin 8:4 - U Bulunagana U Niga

⁴ Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa.

1 Korin 8:4 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 12:29

Be Iesu e ranga palisenen me poeiena, “U raranga te pan bala koruna teka: ‘Hengoiam, u katunura i Israel, E Sunahan a Tsunono i tarara a töa puku a Tsunono.

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 15:20

Aragi koloto uu i taren, bate hatei rarien nori egi agonein a mamanaka te haats ba naria turu kesa na nori gima tsikolo ii. Ba nori tema tatei noueri a haröete te kepa hamate naria i totongolo nen, na egima tatei nou hase ii u rahatsing.

Aposol 19:26

Na katuun teka e Pol e habirits hakapi u hakats tara katuun a parpara be poeiena, ‘U kesa te kuieri ualima ema got hamanari.’ Alimiou u tare men na limiou u hengo hakapa hase men. Nonei ema markato peisa uai teka i Epesis. E möa. Nonei e kato hasema a man ranga teka tara han a parpara koru iahana provins teka i Eisia.

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

1 Korin 8:10

Taraha, te tare roua lö, alö te kamem a niatei e nou mia iahana luman lotu turu kesa, ba nori te ngilin nou hase riou a kannou te haats ba naria turu kesa.

1 Korin 8:11

Ba tara niatei i tamölö ba u toulamölö te mate silir e Kristo, u nihamana i taren tema tagala lel talanei e kato homi taleier.

Galesia 4:8

I manasa alimiou ima atei silemi e Sunahan bate hererami u katunun kui tara man got gamogamo.

1 Timoti 1:17

Aragi solosei a Kingina tara mamana pöata, nonei puku a King teka tema antunan mate nei na tema antunan tara nari. E Sunahan nonei a töa puku. Aragi solosei nitöa naien tara mamana pöata. U mana.

1 Timoti 2:5

Taraha e Sunahan a töa puku, na e Iesu Kristo puku lahas te tuol na i gusura u katuun na e Sunahan.

U pas te kolotein e Jut 1:25

Soloseiam e Sunahan a töa puku. Nonei te lu pouts meraira i tanen, taraha e Iesu Kristo a Tsunono i tarara e mate sil raioura. U katuun egi atei sil e Sunahan a Tsunono Pan, na Nitsunono i tanen e pan saluhena tara mamanaka, tara tantania, na i romana, na tara mamana pöata i murimuri. U mana. Alia e Jut