1 Korin 8:12 - U Bulunagana U Niga

¹² Te markato uamölö teka turu toulamölö, alö e kato homi mia i matana e Kristo, taraha alö e kato hapieiem ats tabubun nihamana te kame ren.

1 Korin 8:12 ပူးပေါင်းရင်းမြစ်များ

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:21

Be Pita e la uanama tere Iesu me rangatenen, “O Tsunono, a lahisa pöata tego ranga hataatagi ia lia tere toular bate solopalena a markato a omi i tanen, bate tara poutse noulia? Ega para hapopoia tara tohit a pöata?”

Matiu 18:6

E Iesu e ranga noa me poeiena, “Esi ta katuun te las meranoi a galapien te hamana uar i tar tara markato a omi, e niga bala nena tegi hakits mei a hatu pan i totongolona a katuun teka batena harukue ria i gusuna tasi.

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 25:45

Ba lia te ranga palis meragouen bate peigou i taren, ‘Alia e hatei hamana koru ragou limiou, a pöata tu raman katoe mia limiou a markato teka ta töa tara man hahatoulana i tar, alimiou u raman kato be hase mien lia.’

U Bulungana u Niga tere Iesu Kristo te kolotein e Mak 9:42

E Iesu e ranga lel me poeiena, “Sanena ta töa ta katuun i gusumilimiou ega kato homi ta töa ta pien i gusur a galapien te hamana ria i tar ba pien te hapolasa ba nanou a nihamana i tanen, e niga bala nena tegi kits menai ta hatu pan i totongolo na a katuun teka ba nonei tena harukue ria i gusuna loul.

U Bulungana u Niga tere Iesu Kristo te kolotein e Luk 17:2

Kaba tega kato homieia ta katuun ta töa tara galapien teka te hamana uaier i tar ba pien te kato homina, e niga balana tegi kits menai ta hatu pan i totongolona a katuun teka batena harukue ria i loul!

U pas te koloto menai e Pol turu kristenira i Rom 14:20

Alö goma kato homiei a toukui tere Sunahan te ngilin nou mena milö a mamana kannou. E niga hasina te nou menari a mamana kannou, kaba e omina te nouena a katuun a töa ka bate kato homiena u hakats tara palair u kristen te poeier e omina.

1 Korin 12:12

Na u tuenrei e ka has mena a mamana makum, na mamana makum turu tuenrei e noahasina te para uaren, nori hoboto u töa puku u tuenrei. Te kato has uana e Kristo.