1 Korin 7:17 - U Bulunagana U Niga

¹⁷ Alimiou a man tötöa ego marka uaiam temar ngil mena milimiou a Tsunono, na temar ngö mena milimiou e Sunahan. Nonei teka temar hatuts mera gilia u katuun hoboto tere Sunahan.

1 Korin 7:17 ပူးပေါင်းရင်းမြစ်များ

Matiu 19:12

Palair a pal tson tema antunan hitölri, nori i mar posa merai teka. Na palai ema hitöl meri ti hapö uaien. Na palai ema hitöl meri, taraha nori e ngilin kato ner a toukuina tara Nipepeito tere Sunahan. Kaba tson te antunan kukutiena u raranga teka, e tatei kukutie nen.”

1 Korin 10:32

Alimiou go hakats raiam u Jiu na u katuun tema Jiu ri na u katuun has tere Kristo, ba limiou tema kato homi mia i mataren.

1 Korin 11:16

Te hipus nanoua ta töa ta katuun a markato teka, alia e hatei ragou limiou alam na man hun katuun has tere Kristo alam i möa ta taina ta markato tara pöata te lotu mia lam.

1 Korin 11:34

Te bes koruna a töa katuun, nonei e tatei nou mam nama i luma i tanen. Nonei ena mots nou mamna turu hagum ba limiou te lue mou a nihahuna tere Sunahan. A man tana man harangata ena hamatskö mote goulia tara pöata tena la romana guma lia i tamilimiou.

1 Korin 14:33

Taraha, e Sunahan ema Sunahan uanei tara nitutu. E möa, nonei e Sunahan tara nigumgum a niga.

1 Korin 16:1

Turu rarangana tara moni tegi taguhu merai u katuun tere Kristo, alimiou e markato uamou tu mar ranga merai lia u katuun tere Sunahan i Galesia.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

1 Korin 7:18

Hena, esi i tamilimiou te hapö hakapa tara pöata te ngöe ien e Sunahan, nonei goma matsingolo meien bate hamouse nen. Na esi i tamilimiou tema hapö noai tara pöata te ngöeien e Sunahan, nonei goma torohanan hapö i romana.

1 Korin 7:24

Na matsi hahatoulana, a man tötöa hoboto i tamilimiou e tatei mar ka uaier ti mar ka uaien tara pöata te ngö raia limiou e Sunahan, ba limiou te ka mia tere Sunahan.

1 Korin 7:7

Alia e ngil koruegu alimiou hoboto ego here milia. Kaba a man tötöa i tarara e ka mer a man nitagala te hala raien e Sunahan. A palai e kato hanigar tegi kaka puku uaien, na palai e kato haniga hasir tegi hitöl uaien.

2 Korin 11:28

Tagono talamena a mamanaka, alia e ka has megu u hakats pan koru te pepeito kap mera gilia a man hun katuun tere Kristo.

2 Korin 8:18

Na lam e hala gono has memien u hahatoulana i tarara te tara marei hoboteier a hun katuun tere Kristo tara toukui te katoe nen te habulungana haniga mena neien u Bulungana u Niga.

Galesia 1:22

Tara pöata teka u kristenir tara provins i Judia ima tara noei a matar.

1 Tesalonaika 2:14

A ka te butuia i tamilimiou e butu hasia turu Jiu te hamana uaier tere Kristo. U Jiu i kato homir u katuun i Judia te hamana uar tere Iesu Kristo, na u katuun pouts has i tamilimiou e kato has uar iesana i tamilimiou.

2 Tesalonaika 1:4

Nonei te ranga sesei bera milam alimiou turu hagum turu katuun tere Sunahan. Alam e hahatei nem u katuun e kato homi sila raria limiou te hamana uamia limiou tere Iesu bate hamana hatagalamiou, noahasina te omi merari limiou u katuun.