1 Korin 7:10 - U Bulunagana U Niga

¹⁰ U raranga u tagala teka e hala menagi lia i tamilimiou u katuun u hitöl, ema ranga uanei i tar. U raranga noahas tara Tsunono tara pöata te ka len i puta. A tahol egoma la banai a tson i tanen.

1 Korin 7:10 ပူးပေါင်းရင်းမြစ်များ

Matiu 5:32

Kaba alia e hatei ragou limiou, a tson te laba nena a tahol i tanen kaba tahol ema lue ii ta taina ta tson, a ka teka e kato here nanei a tahol teka a tahol a omi. Na tson te tölena a tahol a hitöl te laban a tson i tanen, a tson teka e here hase nei a tson te tsikolona.”

U Bulungana u Niga tere Iesu Kristo te kolotein e Mak 10:2

A palaira u Parasi i lama bemi torohane ren me rangate ren, “A Lo i tarara e haniga nena tego laba menai a tson a tahol i tanen?”

U Bulungana u Niga tere Iesu Kristo te kolotein e Luk 16:18

A tson te pekoena a hitöl i tanen bate tölena tana tahol, nonei e tsikolona. Na tson te tölena a tahol te peko mami a hitöl i tanen, nonei e tsikolo hasina.”

1 Korin 7:11

Kaba te laba nanen a tson i tanen, nonei ma tatei töle nei a tana tson. Te ngil nen ba nonei tena lu poutsena a tson i tanen. Na tson goma laba hasnai a tahol i tanen.

1 Korin 7:12

A Tsunono ema ranga nai a ka teka, kaba alia peisa te ranga nagen i tamilimiou, te tölena a tson te hamanana a tahol tema hamana nei kaba a tahol e haniga nena tego ka gono menaien, a tson ema antunan laba nanei a tahol teka.

1 Korin 7:15

Kaba te laba nena lö a hahikapien tema hamana nei, haka ban, alö ema kits mia turu hamalina tara hitöl. Kaba e Sunahan e ngö sil railimiou u mun tahol tego ka hoboto haniga uaiam limiou.

1 Korin 7:25

Alia u möa tu ranga tu tagala tara Tsunono te hatei nena u katuun u tabuna hitöl. Kaba a Tsunono e taatagi nanou lia bate hamane noulia. Na lia e hatei ragi limiou u hakats i tar.

1 Korin 7:40

Kaba turu hakats i tar a tahol teka e sasaala koru has nou tego kaka puku uaien. Na lia e poeiegu u Namnamei tere Sunahan e haniga hasina.

1 Korin 7:6

Alia e hala tuun ragi limiou u raranga, alia ema tahul ragi limiou.