1 Korin 6:9 - U Bulunagana U Niga

⁹ Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

1 Korin 6:9 ပူးပေါင်းရင်းမြစ်များ

Matiu 19:29

Na u katuun hoboto te hakats nariou lia bate labaner u luma i taren na u toularen nu hahinaren na u tamaren nu tsinaren, na galapien i taren na u tsiktsiki, nori ena lueriou a parpara koru lel a ka, bate lu hase riou a nitöatöa te ka nitöana.

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

U Bulungana u Niga tere Iesu Kristo te kolotein e Luk 21:8

Be Iesu e poeiena, “Hanei iam, u katuun e namots gamo rariou limiou. Taraha? A katuun a parpara ena la rima romana bate ngöe roui a peisaren a solor batemi poeier, ‘Alia e Mesaia,’ na ‘A pöata hamanasa!’ Kaba ma kukute rami.

Aposol 20:32

“Na lia e haka tala ragia limiou tara nipepeito tara Tsunono, na turu rangana tara nihitaguhu i tanen. Nonei e antunan hatagala nena a nihamana i tamilimiou bate hala ranei limiou a manka man niga hoboto, te roron hala ranei e Sunahan u katuun hoboto te hopö kap meraien i tanen.

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

1 Korin 15:33

Möa tu hengo koruiam. “Te hikapien gono mera moa lö u katuun te omir, ba lö tena omi hasi mou.”

1 Korin 15:50

Alia emar ranga uagu teka a matsi hatoulana: u tuenreina turu tsiktsiki ema tatei la uanei tara Nipepeito tere Sunahan na u tuenrei te tia nou ema tatei la uanei tara han turu tuenrei te ma tatei tia nei.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

1 Korin 5:1

Alia u hengoin u ranga te poeiena a töa i gusumilimiou e katoena a markato a omi koru tema tatei kato haseri u tematan. U raranga e poeiena a töa tson e sösoho gono mena a tahol tere tamanen.

1 Korin 5:10

Alia uma ranga nai u tematan te tsiktsikolor tsi te gono beri a peisaren a manka na u kopkop na u katuun te hatsunoner u kesa. E möa. Sanena limiou goma ka gono merami u mar katuun teka, ba limiou te laba namiou a han i puta.

1 Korin 5:11

Alia u rangein tegoma ka gono mena milimiou a katuun te ngöe nei a peisanen e toularara bate tsikolona tsi e gono benei a peisanen a manka na e hatsunonena u kesa na e tuts silena a tana katuun na e roron spakina na e kopkopina. Alimiou goma nou gono has memi a mar katuun teka.

1 Korin 6:10

Na u kopkop na u katuun te gono beri a peisaren a manka na u katuun te roron spakir na u katuun te tuts siler a tai ema antunan tahongo has roi tara Nipepeito tere Sunahan.

1 Korin 6:18

Bus ba naiam a markaton tsikolo. A palaina markato a omi te katoena a katuun e ka puku na ielesala turu tuenrei. Kaba a katuun te tsikolona e kato homiena u tuenrei i tanen pouts.

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

1 Korin 9:24

Alimiou e atei sil hasemiou turu resis u katuun te pipiatar e piata hobotor, kaba a töa puku tena lue nou a prais? Alimiou go piata here hase mi, alimiou tena lue mou a prais tere Sunahan.

2 Korin 12:21

Aa, alia e matoutegu tena la pouts romana guma lia i tamilimiou, e Sunahan toum e hamatsingolo menoi lia a markato i tamilimiou. Balia te tabe me gou, a parpara i tamilimiou ema hapolasa noahaseri a man markato a man omi i taren. U katuun ti tsikolo na te lulu tsonir na ti kato a man palaina a man markato a man omi i manasa ema hapolasa noahaseri a man markato a man omi teka.

Galesia 6:7

Alimiou goma hengoemi u raranga te poeiena a katuun e tatei gamoena e Sunahan. E möa. E möa ta katuun tega antunan gami e Sunahan. E here nei a katuun te lebe iena a manka tara kui i tanen. Te lebe noen a ka a omi, a ka a omi has te butu nou. Na te lebe noen a ka a niga, ba ka a niga has te butu nou.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

Hibru 12:16

Alimiou go tara kap hanigaiam, batema tsikolo mi. Na limiou goma sigalemi e Sunahan te markato uu e Iso. Nonei a pien tson a hamua te ka mei a nikapan, kaba nonei e halan a nikapan i tanen tere toulanen a tetenei me hol tune neien a tsi kannou tuun.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.

Jemis 1:16

A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.