1 Korin 6:13 - U Bulunagana U Niga

¹³ Na palair u katuun e poeier, “A kannou e ka silena u tori, na u tori e ka silena a kannou.” U mana, kaba e Sunahan e kato hataie nou romana a kannou na u tori has. A tuenriena katuun ema ka sile nei egi tsikolein. E möa. E ka silena tego solosei menaien a Tsunono, na Tsunono e ka silena tega taguhu menaien a peisarara.

1 Korin 6:13 ပူးပေါင်းရင်းမြစ်များ

Matiu 15:17

Alimiou go atei sileiam, a mamanaka te tasuna i runguna katuun e la uana i torinen batena lakasa ba pouts banena u tuenrei.

Matiu 15:20

A manka teka te kato hakorkorianena a katuun. Kaba tegi nou menai a kannou ualima u tabuna galus, a ka teka ema kato hakorkoriane nei a katuun.”

U Bulungana u Niga tere Iesu Kristo te kolotein e Mak 7:19

Taraha, e tasuna tara katuun batema lauanei tara tui kaba e lauana i torina a katuun bate lakasa ba pouts nena a katuun.” (Tara markato teka be Iesu te poeiena a mamana mar kannou a man kannou a man niga.)

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U Bulungana u Niga tere Iesu Kristo te kolotein e Jon 6:49

U tubumilimiou i noui a ka ti ngöei a Mana tara makum a palaka. Kaba nori i mate noahas.

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 6:12

Alimiou egoma hatasue mumei a markato a omi i peisa milimiou, na egoma kukutiemi u ngilngil u omi turu tuenrei i tamilimiou.

U pas te koloto menai e Pol turu kristenira i Rom 7:4

Na te markato has uanen i tamilimiou, a matsi hahatoulana i tar. E here nei alimiou i hitöl mam mia tara Lo tere Mosis me mate ba namen. Alimiou u mate sileiam tego katuun uaiam limiou tere Kristo, nonei a ka te hatakei pouts sileien e Sunahan tara tou mate. Bara te katoera a man markato a man niga te ngilena e Sunahan.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

1 Korin 6:15

Alimiou e atei sil hase miou u tuenrei i tarara, e pala uana tere Kristo? Alimiou e ngilemiou alia go lui a töa makumun tuenrei tere Kristo bate katoe gien a töa pala turu tuenrei tara tahol a lulu tson? E möa, me möana!

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

2 Korin 11:2

Alia e hakats hapara ragou limiou temar hakats has uana e Sunahan. Taraha, alimiou e heremi a tahol a kukubei, na lia u hopö kap merai limiou tego tölo mena milimiou a töa puku lahas a tson, nonei e Kristo. Alimiou u peiam nonei lasi a töa Tsunono te hamana uami limiou.

2 Korin 5:15

Nonei e mate sil raiora hoboto, bu katuun te töatöar, tema töatöa sileri a peisaren peisa, kaba egi töatöa sil hasi e Kristo, nonei te mate sil raien me takei pouts sil has ranen.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Epesis 5:23

Taraha, a tson te pan nena a tahol i tanen te kato has uana e Kristo nonei te pan nena a hun katuun i tanen. Na hun katuun tere Kristo e hereri a tuenrei nen. Na e Kristo nonei a Nihitaguhu tara hun katuun i tanen.