1 Korin 5:11 - U Bulunagana U Niga

¹¹ Alia u rangein tegoma ka gono mena milimiou a katuun te ngöe nei a peisanen e toularara bate tsikolona tsi e gono benei a peisanen a manka na e hatsunonena u kesa na e tuts silena a tana katuun na e roron spakina na e kopkopina. Alimiou goma nou gono has memi a mar katuun teka.

1 Korin 5:11 ပူးပေါင်းရင်းမြစ်များ

Matiu 18:17

Kaba tema ngilin hengo naneien u raranga i taren, balö te hatei rem u katunun kui turu lotu. Na tema hengo noa hase neien u raranga i taren, ba limiou te kato here namien a katuun tema tahongo neia turu lotu, tsi te lehana banena u lotu.”

Matiu 23:25

“Alimiou u tson ateira tara Lo na u Parasi, a niomi pan e butunoa i tamilimiou, u katuun u gamogamo! Alimiou e roron kato hagogosemiou a murina a kap na pelete, kaba iahanen e korkorianana, te kato has uana a torimilimiou te habutena a markato tara kop na te hagua be menami limiou u ngilngilina turu tuenrei.

U Bulungana u Niga tere Iesu Kristo te kolotein e Luk 18:11

A Parasi e tuol pepeisa me mar singo uana teka, ‘O Sunahan, alia e haniga uagu i tamölö te namala kato homi uagi lia te kato uaier a palair u katuun. Alia ema kopkop gi, nema gamogamo gi, nema tsikolo gi. Na lia ema kato homi has uagi te markato uana a lulu takis i tioum.

U Bulungana u Niga tere Iesu Kristo te kolotein e Luk 21:34

Be Iesu e poeiena, “Tara kap haniga naiam a peisa milimiou! Ema niga nei tego hakats las mena milimiou a tou nou na tou roro ba limiou te ua hatutu miou bate toku sile miou a manka na i puta. Alimiou e namots asingoto namiou tego songots butu uama nonei u Lan Pan tara Tsunono.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 9:17

Be Ananias e lana mena tasuna tara luma tere Judas. Ba nonei ena hatakopena a limanen tere Sol me poeiena, “O Sol, ara e muntoulana sila ria tere Kristo, a Tsunono te tula nena moulia. E Iesu, te butuma i tamölö i kalana tara pöata tu la uamalö teka, nonei te tula nena moulia tegomi taguhu menai lia alö balö te tara haniga pouts mou, balö te saputu memou u Namnamei u Göagono tere Sunahan.”

U pas te koloto menai e Pol turu kristenira i Rom 13:13

Aragi kato hamatskö, te kato uaria u katuun tara lan. Aragi ma kukutiei a markato te kato homi ria u katuun tara pati na te spak uar na te tsikolo uar na te hakats homi uar na te raharaha uar na te hiomi uar. E möa.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

1 Korin 10:14

A matsi hahikapien i tar, bus halehana ba naiam a markato te hatsunono menari u kesa.

1 Korin 11:21

Taraha, tara pöatan nou, a man tötöa i tamilimiou e lueier a mats kannou peisa i taren bate nour, ba palai te besir, ba palai te ua hatutur.

1 Korin 6:10

Na u kopkop na u katuun te gono beri a peisaren a manka na u katuun te roron spakir na u katuun te tuts siler a tai ema antunan tahongo has roi tara Nipepeito tere Sunahan.

1 Korin 6:6

Kaba limiou ena kout namiou u hahatoulana i tamilimiou bate haniga namiou tega ona menaien a tsonun ona tema kristen nei.

1 Korin 6:9

Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

1 Korin 7:12

A Tsunono ema ranga nai a ka teka, kaba alia peisa te ranga nagen i tamilimiou, te tölena a tson te hamanana a tahol tema hamana nei kaba a tahol e haniga nena tego ka gono menaien, a tson ema antunan laba nanei a tahol teka.

1 Korin 7:15

Kaba te laba nena lö a hahikapien tema hamana nei, haka ban, alö ema kits mia turu hamalina tara hitöl. Kaba e Sunahan e ngö sil railimiou u mun tahol tego ka hoboto haniga uaiam limiou.

1 Korin 8:11

Ba tara niatei i tamölö ba u toulamölö te mate silir e Kristo, u nihamana i taren tema tagala lel talanei e kato homi taleier.

Epesis 5:18

Na limiou goma spak mi. A markato teka e kato hohomiena a katuun. Kaba limiou go saputu meiam u Namnamei tere Sunahan.

Epesis 5:5

Alimiou go atei sil hanigeiam a ka teka, a mar katuun teka ema tatei lu korue nei romana ta töa ta makum tara Nipepeito tere Kristo na tere Sunahan: a katuun a tsiktsikolo na katuun te hirata homina na katuun te mamangil nena a mamanaka. A katuun te mamangil nena a mamanaka e omi here nei a katuun te hatsunonena a got gamogamo.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

2 Tesalonaika 3:6

Alam e hatei ramou limiou a matsi hahatoulana, tara solona e Iesu Kristo a Tsunono i tarara, alimiou go ka halehana ba raiam a man hahatoulana a man karous tema hengori batema kukutie ri a ka tu hatuts railam alimiou.

1 Timoti 3:3

Nonei goma tatei ua hatutu ii na egoma katunun hiatatung ii na egoma ngil hasei a moni a parpara. E möa. Nonei has a katuun te tatei tuatamina turu katuun bate kato haniga ranen.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.

Revelesin 2:14

“Kaba limiou e kato noahase miou a palaina manka tema niga nei: a palair u katuun te ka ria i tamilimiou e kukuteier u hihatuts tere Balam. Nonei a katuun te hatutsi e Belek ime tegi markato homi uu katunura i Israel. Ba nori e noueier a kannou ti haats ba naia turu kesa me kukuteier a markato te tsikolo uaier.

Revelesin 2:20

“Kaba a töa ka tema niganei: alimiou ema hapiou nami e Jesebel, a tahol te ngöe nei a peisanen a propet. Nonei e hatuts rena u katuun i tar bate las ranen, ba nori te noueier a kannou te haats ba naria turu kesa, bate kukuteier a markato te tsikolo uaier.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.