1 Korin 4:6 - U Bulunagana U Niga

⁶ A matsi hahatoulana, a man raranga teka te kato beregu lei lia limiou e hatei nena e Apolos na lia. Alimiou go röteiam a markato i tamulam bate kukute hasemiou u Buku u Göagono. Alimiou goma soloseiemi a töa bate omiemiou a tabi. E möa.

1 Korin 4:6 ပူးပေါင်းရင်းမြစ်များ

Aposol 18:24

A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

1 Korin 1:12

Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 1:19

E Sunahan e ranga hasna turu Buku u Göagono bate poeiena: “Alia e kato homie gou a niatei turu katuun u atei. Na lia e kato hatutu ragou u katuun te poeier nori e atei siler a mamanaka.”

1 Korin 1:31

Na i koloto hasiin, “Esi te ngilin soloseiena ta ka e tatei soloseiena a Tsunono.”

1 Korin 13:4

A markato te hiangilngil uaier e markato uana teka: u ngil ema tatei sökananei na e tuatamina, na u ngil ema tatei tara ngil nei na ema tatei hangisei nei, nema tatei ranga hapan has nei bate soloseiena a peisanen.

1 Korin 3:19

Taraha, a niateina i han i puta teka e tutuna i matana e Sunahan. U Buku u Göagono e pei hasena, “E Sunahan e kato homi mera nei u katuun u atei a man niatei pouts i taren.”

1 Korin 3:21

Na e möa ta töa tega tatei solosei u katuun te mam mamir. Alam na mamanaka e ka hoboto uam i tamilimiou, alia e Pol na e Apolos na e Pita na han i puta teka na nitöatöa na tou mate na pöata i romana na pöata has i murimuri. A manka hoboto teka e ka uaier i tamilimiou.

1 Korin 5:2

Alimiou e masa koru las memiou a markato teka te kana i tamilimiou? Alimiou go tabe meiam a nimatsingolo. A tson te kato homina egi tsuga banaia tara han i tamilimiou.

1 Korin 5:6

A nimasa i tamilimiou ema niga nei. Alimiou e atei silemiou u raranga te poeiena, “A tsitabubun is e hapanena a beret hoboto.”

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

1 Korin 9:23

Alia e kato sila nagia a manka hoboto teka tara solo turu Bulungana u Niga tere Iesu Kristo, tego lu menai lia romana a manka man niga te hatei nena u Bulungana u Niga.

2 Korin 10:12

Möa tu hakats bala, alam ema ongolon solosei peise mi a peisamulam bate poeiem alam e hihinatue gono has merem a palair u katuun i tamilimiou te ranga sesei pouts naier a peisaren. Nori e hiahanhantuna pouts naier a peisaren bate ona meri a peisaren a man lo peisa i taren. A markato teka e tutu koruna.

2 Korin 10:15

Na lam ema ranga sesei heremi alam tu kati a toukui te kato a taina katuun. E möa. U pannen u ngil i tamulam e markato uana teka, te pan susul hatagala noua u nihamana i tamilimiou ba makumun kui i tamulam te tataabala susul has nou.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

2 Korin 11:4

Taraha! Tena la menama romana ta katuun a taina a Iesu tsi u taina u namnamei u göagono tsi u taina u bulungana u niga te halhal nena a Iesu na u Namnamei u Göagono na u Bulungana u Niga tu la mema lam, alimiou e toul here noahas me moien temar toul menai e Eva e Satan.

2 Korin 12:19

Alimiou romana e pei toum lase miou alam e ranga kökopo nem a man ranga teka bate taguhu pouts ranou lam? E möa. Alam e ranga nem u raranga te hala nema e Kristo i matana e Sunahan, na mamanaka te katoe mulam a matsi hahatoulana, e taguhu ranou limiou.

2 Korin 12:20

Taraha, alia e matoutegu tena la pouts guma lia romana, alia ema ngile goi a manka tena tare goulia na limiou ema ngil hase moi tena mar ranga ua goulia. Alia e matoutegu alia e na sabie gou te hia o omi uamiou limiou bate hia raharaha miou bate hakats peisa namiou a peisamiou. Alimiou e namos ranga hohomi silemou a palai bate tuts sil ramen, bate ranga hangisei namiou a peisa milimiou bate kato hatutu has miou.

2 Korin 12:6

Kaba tego ngilin solosei menai lia a peisar, alia ema ranga here goi a katuun a tutu, alia e ranga nagou u mana. Kaba lia ema soloseie goi a peisar, taraha alia ema ngile gi ta katuun ega kukuti u raranga i tar tara manka tu tarema lia na tara manka tu hengoema lia bate soloseie noulia.

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.