1 Korin 4:12 - U Bulunagana U Niga

¹² Alam e kui hatagala silem a monin kannou i tamulam. Na pöata te ranga homi ria u katuun i tamulam, ba lam te ranga haniga mia i taren. Na te kato homi ria u katuun i tamulam, ba lam tema raharahami.

1 Korin 4:12 ပူးပေါင်းရင်းမြစ်များ

Matiu 5:11

“Alimiou te ka uamiou tara pala i tar, ba nori te ranga hohomi rariou limiou, bate kato hohomi rariou limiou, bate saka rari limiou u mamana u mar ranga u gamo, alimiou e tatei sasaala noahas miou.

Matiu 5:44

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

U Bulungana u Niga tere Iesu Kristo te kolotein e Luk 23:34

Be Iesu e singo uana tere Sunahan me poeiena, “O Tamar, alö go luban a markato a omi i taren. Nori ema atei sileri a ka te katoe ren.” Ba u soldia e satu siler u hasobö i tanen, me molamola naren.

U Bulungana u Niga tere Iesu Kristo te kolotein e Luk 6:28

Kalala raiam u katuun te ranga homi ria i tamilimiou, ba limiou te singo sil ramiou u katuun te kato homi ria i tamilimiou.

U Bulungana u Niga tere Iesu Kristo te kolotein e Jon 15:20

Alimiou go hakats pouts naiam u raranga ti hala ra ii lia alimiou: a katunun kui ema pan nanei a tsunono i tanen. Nori u katuun ti kato homia i tar e kato homi has rariou limiou romana, na u katuun te hengo hanigeier u raranga i tar e hengo haniga has rariou limiou.

Aposol 18:3

Nori u mun tahol i ka mei a töa mar toukui te ka has mei e Pol, be Pol e ka gono mera nen ba nori te kui hobotor. Nori i atein kuin a luma labalaba.

Aposol 20:34

Alimiou te atei silemiou u huol u ualima i tar te pilein a toukui na te taguheiou lia tara manka te makmakum, bate taguhu has rena u katuun ti ka gono meiou lia.

Aposol 7:60

Ba nonei e hatukununa me ku hapan koruna me poeiena, “O Tsunono, moa tu palisi a markato a omi te katoeren teka!” E Stiven e mar ranga uu teka me matena.

U pas te koloto menai e Pol turu kristenira i Rom 12:14

Kato haniga raiam u katuun te kato homi rariou limiou, ne möa tu ranga hohomir, singo be ramia tere Sunahan ega taguhu raien.

U pas te koloto menai e Pol turu kristenira i Rom 12:20

Na u Buku u Göagono e pei hasena: “Te besna a katuun te rarahe noulö, balö te hanoue men. Na te makana a katuun te rarahe noulö, balö te haue men. Te markato uamoulö teka, balö te kato hamatsingole men.”

U pas te koloto menai e Pol turu kristenira i Rom 8:35

Esi te tatei luba ranoira u ngilngil tere Kristo? A nomi tsi u tori tiama? E möa. Tara pöata te kato homi ria u katuun i tarara te hamana uara ra tere Iesu, ba ka teka e pei hasena nonei ema taatagi lel ranei ra? E möa. Tara pöata te butuna a bes i tarara tsi te kaka puku ria ra na te butuna a pöata a omi i tarara tsi a pula, ba manka teka te pei hasena e Kristo ema taatagi lel ranei ra? E möa has.

1 Korin 9:6

Ga lam peisa mere Banabas ema tatei hakapemi a toukuin moni i limamulam bate lu hasem a monin hitaguhu temar lu has uaier a palair u aposol? E möa, alam e tatei hakapam tego ngil uu lam.

2 Korin 11:8

Alia u lui a monin hitaguhu tara palair a hun katuun tere Kristo tegomi taguhu merai lia limiou.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

2 Tesalonaika 3:8

Alam u hol peisa a kannou hoboto i tamulam. Alam u kuin moni hatagala koru mei a lan na bong. Taraha, alam uma ngilei ta töa i tamilimiou go hanou pukpuku raiou lam.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

1 Pita 2:23

Nori i hahakosia i tanen kaba nonei ema palise ii u hahakos. Tara pöata te kamits ien, nonei ema kato sile ii ega paliseien. Kaba nonei e haka mei a peisanen tere Sunahan te ona hamatsköena a mamanaka.

1 Pita 3:14

Kaba te kamits sil mena milimiou a markato a niga te katoe milimiou, e Sunahan e kalala has ranou limiou romana! Alimiou goma matout rami u katuun teka, bate toku miou. E möa.

1 Pita 3:9

Alimiou goma palisemi a man markato a man omi te katoe ria tamilimiou, na limiou goma hipou has mia turu katuun te kato homi ria i tamilimiou. E nigana tego hamatana mena milimiou a nikalkalala, taraha a nikalkalala nonei a ka te rangein e Sunahan tega hala raien limiou tara pöata te ngö raien limiou.

1 Pita 4:19

Na e markato uana teka, te kamits sile mia limiou u ngilngil tere Sunahan, ba limiou te kato haniga miou, bate hake mia a nitöatöa i tamilimiou i limana e Sunahan te kato raiou limiou. Nonei e roron kato hamanena a ka te ranga nanen.

U pas te kolotein e Jut 1:9

Kaba e angelo Maikol, a tsunono pan turu angelo, ema mar ranga homi uai teka. Pöata ti hiararanga sileien u tuenrei tere Mosis, e Maikol ema ranga homi nai e Satan. Nonei e ranga meien me poeiena, “A Tsunono peisa te hapiou na noulö.”