1 Korin 3:21 - U Bulunagana U Niga

^21-22 Na e möa ta töa tega tatei solosei u katuun te mam mamir. Alam na mamanaka e ka hoboto uam i tamilimiou, alia e Pol na e Apolos na e Pita na han i puta teka na nitöatöa na tou mate na pöata i romana na pöata has i murimuri. A manka hoboto teka e ka uaier i tamilimiou.

1 Korin 3:21 ပူးပေါင်းရင်းမြစ်များ

U pas te koloto menai e Pol turu kristenira i Rom 4:13

E Sunahan e halan u raranga hamana i tanen tere Abraham na tara pala i tanen tegi tatei lu menaien a man han hoboto i puta teka. U raranga hamana teka ema butu sila meia tara Lo tere Mosis. E möa. E la silama tara markato turu nihamana te kato hamatskö rana u katuun i matana e Sunahan.

U pas te koloto menai e Pol turu kristenira i Rom 8:28

Na ra e ateira, a mamanaka hoboto e kui haniga silena u katuun te ngiler e Sunahan, u katuun te ngö sil rai e Sunahan tegi kukute menaien u ngilngil i tanen.

U pas te koloto menai e Pol turu kristenira i Rom 8:32

Nonei ema peits hasnai a Pien Tson i tanen, kaba nonei e hala sile meien i puta tegomi mate sil meraien ra hoboto. Te katoe men a ka teka, ba nonei te hala has ranoui ra a mamanaka.

1 Korin 4:6

A matsi hahatoulana, a man raranga teka te kato beregu lei lia limiou e hatei nena e Apolos na lia. Alimiou go röteiam a markato i tamulam bate kukute hasemiou u Buku u Göagono. Alimiou goma soloseiemi a töa bate omiemiou a tabi. E möa.

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

2 Korin 6:10

U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.