1 Korin 2:13 - U Bulunagana U Niga

¹³ Ba lam tema ranga nami u raranga tara niatei turu katuun tuun. E möa. Alam e ranga nem u raranga te hatuts railam u Namnamei tere Sunahan bate hatarare nem a manka tere Sunahan turu katuun te ka mer u Namnamei tere Sunahan.

1 Korin 2:13 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 12:12

Taraha? U Namnamei u Göagono te hatuts ranei limiou romana a ka tego ranga naiam limiou.”

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

1 Korin 1:17

E Kristo ema hala sile mei lia tegomi baptais merai lia u katuun. E möa. Nonei e hala sile mei lia tegomi hahatei menai lia u Bulungana u Niga. Kaba ema mar niatei uanei temar atei uana a katuun, taraha a kuruse tere Kristo e namots lubanari a nitagala i tanen.

1 Korin 14:2

A katuun te ranga na turu tana u mar ranga ema ranga uanei turu katuun, taraha e möa ta katuun tega atei sileien. Nonei e ranga uana tere Sunahan bate katoena u rarangana tara nitagala turu Namnamei u Göagono.

1 Korin 2:1

Tara pöata tu lama lia i tamilimiou, a matsi hahatoulana, alia uma la memei u raranga u mola tsi u mar raranga tara katuun a atei temi habulungana naia lia u raranga tere Sunahan. E möa.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

1 Korin 2:4

A man raranga na man hihatuts i tar ema tagala ii tego tuke menaien a katuun. E möa. U raranga i tar e harötein a nitagala turu Namnamei tere Sunahan.

1 Korin 9:11

Tu hihatuts nai lam u raranga tere Sunahan i tamilimiou, e hana, alam ma antunan luemi ta ka tara man toukuina i puta i tamilimiou?

Epesis 5:19

Na pöata te ka hoboto mia limiou ba limiou te kömemiou u sam na u köman lotu na u köma te köma ria turu namnamei. Ba limiou te köma memi u köman lotu tara Tsunono bate köma memien u nihamana i torimilimiou bate soloseie men.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

2 Pita 1:16

Alam ima katoei u rarare pinopino turu katuun tara pöata tu hatei raia lam alimiou a nitagala tere Iesu Kristo a Tsunono i tarara, na tega la pouts uamen romana. E möa. Alam u tara peisan a matamulam tara nikapan i tanen.