1 Korin 16:19 - U Bulunagana U Niga

¹⁹ U katuun tere Kristo tara provins i Eisia e hala rari limiou u hanhaniga i taren. Ere Akuila mere Priska na u katuun tere Kristo i luma i taren e hala has rari limiou u hanhaniga u nigan töa tara solona a Tsunono.

1 Korin 16:19 ပူးပေါင်းရင်းမြစ်များ

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 18:2

Ba nonei ena sabeiena a töa Jiu, a solonen e Akuila, a toun Pontas. Nori mera tahol i tanen e Prisila i hagou laba tuun nema a provins i Itali. Taraha, a gamman pan e Klodias e ranga merai u Jiu hoboto egi laban a taun i Rom, be Pol ena tara ranen.

Aposol 18:26

Nonei e hatanian ranga hatagalaia iahana luman lotu turu Jiu. Kaba pöata te hengo naien e Prisila mere Akuila ba nori e lue ren me haröte rien a mouna koru a markato tere Sunahan.

Aposol 19:10

U raranga teka e la me antunena u huol u hiningal. U katuun hoboto u Jiu na u katunura i Grik ti kaia tara provins i Eisia i hengo hoboti u raranga tara Tsunono.

Aposol 2:9

Ara u katununa tara man provins i Patia na i Midia na i Ilam na i Mesapotemia na i Judia na i Kapadosia na i Pontas na i Eisia.

U pas te koloto menai e Pol turu kristenira i Rom 16:15

Na haniga has mia tere Pilalogas mere Julia ne Nirias mere hahinanen ne Olimpas na u kristen hoboto te ka gono mera ren.

Kolosi 4:15

Hala has naiam u hanhaniga i tamulam tara man hahatoulana na man hahahinana i tamulam i Laodisia. Na hala has neiam u hanhaniga tere Nimpa nu katuun u kristen te roron hagum ria i luma i tanen.

2 Timoti 4:19

Alia e hala menagi u hanhaniga tere Priska mere Akuila, na tere Onesiporas has na pala i tanen.

Pilimon 1:2

Na u raranga teka e la uana turu kristen te roron hagum ria i luma i tamölö na tere Apia, e hahinarara, na tere Akipus has, nonei te tuol hatagala gono meraiou ra turu Bulungana u Niga.

1 Pita 1:1

Alia e Pita, a aposol tere Iesu Kristo, e hala menagi u pas teka turu katuun tere Sunahan te sata la ria tara man han i Pontus na i Galesia na i Kapadosia na i Eisia na i Bitenia.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”