1 Korin 16:18 - U Bulunagana U Niga

¹⁸ Nori i kato hatagali a torir na torimilimiou has. Alimiou go tara marei raiam u mar katuun teka.

1 Korin 16:18 ပူးပေါင်းရင်းမြစ်များ

U pas te koloto menai e Pol turu kristenira i Rom 15:32

Te haniga noa e Sunahan, balia tena butu megoua a nisasaala pan i tamilimiou, ba ra te sasaala hobotora.

2 Korin 7:13

Nonei a ka teka te kato hasasaala raiou lam. Aa, na e Taitus e kato hasasaala has lel merai lam a nisasaala i tanen, taraha alimiou hoboto u kato hasasaala mam me men.

Kolosi 4:8

Nonei koru a ka te hala sil megien lia i tamilimiou ba nonei te hatei ranoui limiou ime te marka uamu lam, bate kato hasasaala ranou limiou.

1 Tesalonaika 5:12

Kaba lam e hatei ramou limiou a matsi hahatoulana, hapan raiam a pal kapan i tamilimiou. A Tsunono e hopö kap raien tegi hatuts meraien limiou na tegi haröto meraien limiou a maroro a niga.

Pilimon 1:20

A tsi toular, tara solona a Tsunono alö go taguhe moulia, ba lia te sasaala uagu tere Kristo.

Pilimon 1:7

A tsi toular, a torir e sasaala koru me masa mena tu hengo menai lia te ngil koru merami lö u katuun tere Sunahan bate haniga ramen.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

3 Jon 1:4

Pöata te hengo nagia lia a galapien i tar e kukute hanigeier u raranga u mana, ba lia te sasaala korugu. U bulungana teka e pan saluhe ba nitöa nena a manka hoboto te tatei kato hasasaale noulia.