1 Korin 16:12 - U Bulunagana U Niga

¹² Na tere Apolos, alia u ranga hatagala koru meien tegana tara gono meraien limiou a palair u hatoulana. Kaba nonei ema hakatsin la noa namei. Nonei ena la nama romana tega ka meien ta pöata.

1 Korin 16:12 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 6:21

A pöata e butu hakapa turu lan te hakats naia e Herot u lan ti posa meien. E Herot e katoe a pannen a kannou me hangö rena u katuun pan tara gamman i tanen na u kapten pan turu soldia i tanen na pal kapanira i Galili.

Aposol 15:34

Kaba e Sailas e kaka poutsia i Antiok.

Aposol 18:24

A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

1 Korin 1:12

Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 3:5

Ere Apolos mere Pol, u saha u mar katuun? Alam u katunun kui tuun tere Sunahan tu hatuts railimiou tego hamana uaiam limiou i tanen. Alam a man tötöa e katoeiem a man toukui te hala railam e Sunahan.

Taitus 3:13

Alö ena taguhu korue mou e Sinas a katuun a atei tara Lo ne Apolos has, tara nilala i taren. Nori egi ka hantue mei a mamanaka ba nori te töan lar.

Taitus 3:4

Kaba e noahasina ti markato uu ra teka, e Sunahan e harötein a nitaatagi na u pannen u ngilngil i tanen,