1 Korin 15:57 - U Bulunagana U Niga

⁵⁷ Kaba ragi haniga uu tere Sunahan te hala ranei ra a nitagala tere Iesu Kristo a Tsunono i tarara tegi tagala saluhe uu ra.

1 Korin 15:57 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

Aposol 27:35

E Pol e ranga hakapa lasi ba nonei e luena a beret me haniga uana tere Sunahan i matar u katuun hoboto. Ba nonei e posepose nen me tanian nouna.

U pas te koloto menai e Pol turu kristenira i Rom 7:25

Alia e haniga uagu tere Sunahan, tara pien i tanen e Iesu Kristo a Tsunono i tarara te taguhe noulia. Ba lö te tare men turu hakhakats i tar alia e ngilin kukute korunegu a Lo tere Sunahan, kaba a peisar e tagala sil noa hasena a markato a omi.

U pas te koloto menai e Pol turu kristenira i Rom 8:37

Kaba e noahasina. E Kristo e hala ranei ra a nitagala tegi la sei koru uu ra tara mamanaka hoboto teka, taraha nonei e taatagi koru ranou ra.

1 Korin 15:51

Hengoiam! Alia e hatei ragi limiou aman raranga te mous: ara ema mate hoboto roi, kaba ra hoboto e palisira romana.

2 Korin 1:11

E Sunahan e taguhu ranoulam te singo sil mera milimiou alam. Ba u katuun te haniga uariou i tanen taraha, nonei e hengoena a man singosingo i tamilimiou tara nitataala a niga i tamulam.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

2 Korin 9:15

Aragi haniga uu tere Sunahan te hala mera meienra nonei a ka a niga koru te niga bala nena a mamanaka, nonei a Pien i tanen.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 21:4

Ba nonei te hasokolei ranouen. E möa lel ta tou mate na ta nitaatagi na tu tabe na tu kamits. A nikaka mam e tia hakapa.”