1 Korin 15:50 - U Bulunagana U Niga

⁵⁰ Alia emar ranga uagu teka a matsi hatoulana: u tuenreina turu tsiktsiki ema tatei la uanei tara Nipepeito tere Sunahan na u tuenrei te tia nou ema tatei la uanei tara han turu tuenrei te ma tatei tia nei.

1 Korin 15:50 ပူးပေါင်းရင်းမြစ်များ

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

1 Korin 1:12

Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 15:42

Na e kato has uana iesana tara pöata te takei pouts roua u katuun. U tuenrei te kaho ner e tia nou romana. Kaba u tuenrei te hatakei poutseier ema tatei tia noi.

1 Korin 15:44

U tuenrei tuun te kaho ner, kaba u tuenrei u tsimus te hatakeier romana. Te kana u tuenreina turu tsiktsiki, u tuenrei na turu namnamei e ka hasina.

1 Korin 6:10

Na u kopkop na u katuun te gono beri a peisaren a manka na u katuun te roron spakir na u katuun te tuts siler a tai ema antunan tahongo has roi tara Nipepeito tere Sunahan.

1 Korin 6:13

Na palair u katuun e poeier, “A kannou e ka silena u tori, na u tori e ka silena a kannou.” U mana, kaba e Sunahan e kato hataie nou romana a kannou na u tori has. A tuenriena katuun ema ka sile nei egi tsikolein. E möa. E ka silena tego solosei menaien a Tsunono, na Tsunono e ka silena tega taguhu menaien a peisarara.

1 Korin 6:9

Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

1 Korin 7:29

A ma tsi hahatoulana, u raranga i tar e mar mouna uana teka: a pöata i tarara i puta e makmakumuna. Na e möa ta ka tego tatei hatu kap ba rai limiou u ngilngil tere Sunahan. A katuun a hitöl goma hakatsin töapala nai a hitöl, kaba ega hakats hasiin a toukui tara Tsunono tego mar hakats has uu a katuun a tabuna hitöl.

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

2 Korin 9:6

U hakats pan koru teka e poeiena, tema leba hapara moalö, alö na nou hase mou a kannou a topisa. Kaba te leba hapara moalö, alö na nou hase mou a kannou a parpara.

Galesia 3:17

U raranga te katoe gulia e markato uana teka: i mamnen koru e Sunahan e kato gono mei e Abraham u ranga hamana. Na Lo turu Jiu, te butu hamurimurima i murina u 430 u hiningal, ema tatei kato pekoe nei u ranga hamana tere Sunahan.

Galesia 5:16

Alia e hatei ragi limiou, alimiou go hengo hanigeiam u Namnamei u Göagono tere Sunahan tara mamanaka te katoe milimiou, ba limiou tema kukutiemi u ngilngilina i puta.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Kolosi 2:4

Alia e mar ranga mera gilimiou teka, taraha a tana katuun e namots ranga mera nei limiou u gamo.

2 Timoti 4:18

Na a Tsunono e luba nanoi lia a mamana niomi bate lu mena nei lia tara Nipepeito i tanen i Kolö. Aragi solosei nitöa naien tara mamana pöata! U mana.