1 Korin 14:6 - U Bulunagana U Niga

⁶ A matsi hatoulana, tena ranga goua lia turu tana u mar ranga, ime temar taguhu mera noien limiou. Kaba te hatei ragoua lia limiou a ka te hatarei lia e Sunahan, tsi te hatei ragoua lia limiou a töa niatei na u töa u raranga u kapan na u töa u hihatuts, ba lia te antunan taguhu ragou limiou.

1 Korin 14:6 ပူးပေါင်းရင်းမြစ်များ

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

Matiu 16:26

Tega lueia ta katuun a mamanaka hobotona i puta, kaba nonei e hatia hakapi a nitöatöa i tanen, ga mamanaka teka e mar taguhu menoien ime? Nonei e hala nanou ta saha ta ka bate lu poutse nou a nitöatöa i tanen?

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

U pas te koloto menai e Pol turu kristenira i Rom 15:14

A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

U pas te koloto menai e Pol turu kristenira i Rom 6:17

Na limiou go haniga uaiam tere Sunahan! Taraha, i mam nen alimiou i katuun papala mia tara markato a omi. Kaba i romana alimiou e kukute miou na e hengo hanige miou u raranga u mana ti hatuts rai limiou.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 14:1

Alimiou go tagala sileiam a markato te ngil menari a tabi, na te ngil has menari a nitagala turu Namnamei u Göagono, na limiou go ngil hatagala korueiam a nitagala tego habulungana mena milimiou u raranga hamatskö tere Sunahan te ngöeri u rangan propet.

1 Korin 14:7

Te markato has uanen tara manka tema tötöa nei, a kohi tsi a gita, tema ling hamatskö rien, ba ime temar atei sil mena roi u köma te pileier? E möa tala.

2 Korin 11:6

Alia ema tatei raranga balagi, kaba lia e atei silegu a ka te ranga negu lia. Alia u haröto hakapa rai limiou a mamana niatei na mamana markato a niga.

2 Korin 12:1

Alia e ranga hangisei leligu, noahasina tema habute noien taka. Alia e ngilin hatei ragi limiou a man hiharöto na manka te haröte ii lia a Tsunono.

2 Korin 12:7

Alia i hatare ii a man para a man hiharöto pan koru tere Sunahan. Nonei ema ngile ii tego hakats sesei menai lia a peisar, ba nonei e haniga nena tego sagoho menai lia a kamits i peisar. Nonei a kamits teka e here nei a katunun kui tere Satan te hakamitse noulia bate hatu kap nena tego hakats sesei koru menai lia a peisar.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

Epesis 3:4

Na te rite moa limiou u raranga teka ba limiou te luemou a niatei ti mar atei sil menai lia u ranga momous te hatei mamin e Kristo.

Pilipai 3:15

Ara hoboto te atei haniga silera a Tsunono ega kamei u mar hakats u niga. Na te hakats halhal ria a palai i tamilimiou, ba e Sunahan te hamatsköe nou u hakhakats i tamilimiou.

2 Timoti 2:14

Alö go hatei lel rai u katuun a manka teka balö te ranga hatagala meramen i matana a Tsunono tegima pilits menaien u ranga. A markato teka ema taguhe nei a katuun, e kato hohomi tuun rena u katuun te hengoer u raranga teka.

2 Timoti 3:10

Kaba lö o Timoti, u kukutiema u hihatuts i tar, na markato i tar, na ka te kato sile gulia. Alö e atei silem temar hamana uagu lia tere Sunahan na te ngil meragi lia u katuun na te tuol hatagala uagu lia bate tuatami mera gen.

2 Timoti 3:16

E Sunahan e hakolotein u raranga hoboto turu Buku u Göagono. U raranga teka e ka mena a toukui a niga tegi hihatuts menai u raranga u mana, na tegi hapiou menai a ka te omina, na tegi hamatskö meraira, na tegi haröto meraira ime te markato haniga uarara i matana e Sunahan.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

2 Pita 1:5

Nonei tego spana bemi limiou a man palaina man markato tere Sunahan tara markato te hamana uaier. E markato uana teka, alimiou go hamana hanigaiam bate katoemiou a markato a niga bate luemiou u hakhakats u niga. Ba limiou te hala putemiou u ngilngil i peisa milimiou bate kato haniga noahas mia i gusuna a pöata a omi. Ba limiou te katoemiou a man markato a man niga tere Sunahan, bate taatagi ramiou a palair u katuun bate ngil koru ramen.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

2 Jon 1:9

A katuun te poeiena u hihatuts tere Kristo ema antuna neia turu ngilngil i tanen bate kato silena u tana u hihatuts, e Sunahan ema ka neia tara katuun teka. Kaba a katuun te kukute nitöanena u hihatuts tere Kristo nonei e ka uana tere Tamarara na Pien Tson i tanen.