1 Korin 14:37 - U Bulunagana U Niga

³⁷ Esi te poeiena nonei e ka mena a nitagala tego ranga menaien u raranga hamatskö tere Sunahan tsi e ka mena a nitagala turu Namnamei u Göagono, nonei e tatei atei silena a manka te koloto mena gilia i tamilimiou e Sunahan e ranga mam naien i tar.

1 Korin 14:37 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 10:16

Be Iesu e poeiena turu katunun tsitsilo i tanen, “U katuun te hengo rariou limiou e hengo hase riou lia, na u katuun te tori hasoala rariou limiou e tori hasoala has nariou lia. Na u katuun te tori hasoala narioulia e tori hasoala has ner e Sunahan te haleie moulia.”

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

1 Korin 14:29

A huol tsi a topisa propet e tatei ranga ner u ranga hamatskö tere Sunahan, ba palai te tatei hula habirits ner a man ranga i taren.

1 Korin 14:36

U raranga tere Sunahan e butu mam ia i tamilimiou? Tsi e la peisa uama i tamilimiou?

1 Korin 14:38

Esi tema tara marei nei u raranga teka egima tara marei hase ii.

1 Korin 2:15

A katuun te ka mena u Namnamei tere Sunahan e antunan sabiena a mouna a mamanaka, kaba tana mar katuun ema antunan atei haniga sile neien.

1 Korin 3:1

A matsi hahatoulana, alia uma antunan ranga uai i tamilimiou temar ranga uagu lia turu katuun te kukutier u Namnamei tere Sunahan. Alia u ranga uu i tamilimiou te tatei ranga uagu lia turu katuun te ka las mer u hakatsina i puta.

1 Korin 7:25

Alia u möa tu ranga tu tagala tara Tsunono te hatei nena u katuun u tabuna hitöl. Kaba a Tsunono e taatagi nanou lia bate hamane noulia. Na lia e hatei ragi limiou u hakats i tar.

1 Korin 7:40

Kaba turu hakats i tar a tahol teka e sasaala koru has nou tego kaka puku uaien. Na lia e poeiegu u Namnamei tere Sunahan e haniga hasina.

1 Korin 8:2

A katuun te poeiena e atei koruna ema atei haniga sil noe nei a manka.

2 Korin 10:12

Möa tu hakats bala, alam ema ongolon solosei peise mi a peisamulam bate poeiem alam e hihinatue gono has merem a palair u katuun i tamilimiou te ranga sesei pouts naier a peisaren. Nori e hiahanhantuna pouts naier a peisaren bate ona meri a peisaren a man lo peisa i taren. A markato teka e tutu koruna.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

2 Korin 11:4

Taraha! Tena la menama romana ta katuun a taina a Iesu tsi u taina u namnamei u göagono tsi u taina u bulungana u niga te halhal nena a Iesu na u Namnamei u Göagono na u Bulungana u Niga tu la mema lam, alimiou e toul here noahas me moien temar toul menai e Eva e Satan.

Galesia 6:8

Na e kato has uana iesana, te kukutiena a katuun u ngilngilina i puta, a tou mate lasi te palise nou a markato teka. Kaba te kukutie nen u ngilngil turu Namnamei tere Sunahan, be Sunahan te palise noien a nitöatöa te ka nitöana.

2 Pita 3:2

Alimiou go hakhakats kap naiam u raranga ti rangein u propet u niga i manasa, na u raranga tara Tsunono te lu pouts raiou ra, u ranga ti hala mera lelam u aposol i tamilimiou.

1 Jon 4:6

Kaba ara u katuun tere Sunahan. Na u katuun te atei siler e Sunahan nori e hahengo rima i tarara. Na a katuun tema pien uanei tere Sunahan ema hahengo neia i tarara. Nonei teka temar atei sil menaroira u Namnamei u mana na u namnamei u gamo.

U pas te kolotein e Jut 1:17

Kaba a mats hahikapien koru i tar, alimiou go hakats pouts naiam u raranga turu aposol tere Iesu Kristo a Tsunono i tarara.