1 Korin 14:31 - U Bulunagana U Niga

³¹ Alimiou hoboto e tatei ranga namiou u raranga hamatskö tere Sunahan, kaba a töa e ranga mamina ba tai te ranga lenina ba limiou te tatei lu hobotemiou a niatei na nitagala.

1 Korin 14:31 ပူးပေါင်းရင်းမြစ်များ

U pas te koloto menai e Pol turu kristenira i Rom 1:12

U raranga i tar e mar mouna uana teka: alia e ngilegu aragi taguhu mei a tai u nihamana te kamerara.

1 Korin 14:19

Kaba i luman lotu, alia ema antunan ranga hapara koru gia turu tana u mar ranga, e niga balana tego ranga menai lia a tsi tabubun raranga te tatei hatuts ragi lia u katuun bate lueier a ka te ranga negulia.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 14:30

Te haröto nanoua e Sunahan a töa ka tara tana katuun te kana turu hagum, ba katuun te rangana te tatei hanöana.

1 Korin 14:32

A katuun te ka mena a nitagala tego ranga menaien u raranga hamatskö tere Sunahan e ka has mena a nitagala tego hanöa menaien u ranga turu ngil i tanen.

1 Korin 14:35

Te ngilin atei sile rien ta ka, nori ena tatei rangata raria a pal tson i taren i han. E ma niga nei te ranga uana a tahol turu hagum turu lotu.

2 Korin 1:4

Nonei te hasokolei ranou ra tara mamana nomi te butuna i tarara bara tena tatei hasokolei has raiera u katuun te kamer a nomi. Alam e tatei mar hasokolei has mera mien temar hasokolei has mera neira e Sunahan.

Epesis 6:22

Nonei koru a ka te hala sile gouien lia i tamilimiou, tegona hatei meraien limiou ime te marka uamu lam na tegona hatagala has menaien a torimilimiou.

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

1 Tesalonaika 4:18

E kato uana teka, ba limiou te hatei rami a palai u raranga teka bate hatagala ramen.

1 Tesalonaika 5:11

E kato uana teka, ba limiou te hiatagtaguhu miou bate hatagale miou a taina katuun ti roron markato uaiam limiou.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Tesalonaika 5:20

Ma ranga homi nami a katuun te ranga nena u raranga u matskö tere Sunahan.