1 Korin 14:3 - U Bulunagana U Niga

³ Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 14:3 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 3:18

Na turu mamana u mar ranga has e Jon e hatuts raien u Bulungana u Niga.

Aposol 13:15

I murina ti rit hakapeia u ranga tara Lo tere Mosis na palaina u raranga turu propet, ba tsunono na turu lotu e tuoluna me poeiena, “A matsi hatoulana, te ka memia limiou ta tsi rangan hitaguhu turu katuun, ba limiou te tatei hatei namen.”

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 4:36

Hena, a töa katuun a solonen e Josep te tuhanaia tara tolo i Saiprus na te hatubunaia tere Livai. U aposol i ngöeien e Banabas. A mouna solo teka e poeiena, “A katuun te katoena u rangan hitaguhu.”

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

U pas te koloto menai e Pol turu kristenira i Rom 15:2

Ara a man tötöa gi kato hasasaaler a man hahatoulana i tarara ba ra te taguhu raren bate hatagala raren.

1 Korin 10:23

“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun.

1 Korin 14:12

Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.

1 Korin 14:17

Noahasina te singo haniga koru uamölö tere Sunahan kaba a niniganiga i tamölö ema taguhe nei a taina katuun.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

1 Korin 14:31

Alimiou hoboto e tatei ranga namiou u raranga hamatskö tere Sunahan, kaba a töa e ranga mamina ba tai te ranga lenina ba limiou te tatei lu hobotemiou a niatei na nitagala.

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

2 Korin 1:4

Nonei te hasokolei ranou ra tara mamana nomi te butuna i tarara bara tena tatei hasokolei has raiera u katuun te kamer a nomi. Alam e tatei mar hasokolei has mera mien temar hasokolei has mera neira e Sunahan.

2 Korin 2:7

Alimiou go solopaleiam a markato a omi i tanen bate angose men. A nitaatagi pan koru e namots kato homi nitöa nanen.

Epesis 4:29

Alimiou goma ranga nami u ranga u omi. Kaba limiou go katoeiam u raranga u niga tega taguhi a katuun te ranga gono memi limiou, bate kato hasasaale nen.

Epesis 6:22

Nonei koru a ka te hala sile gouien lia i tamilimiou, tegona hatei meraien limiou ime te marka uamu lam na tegona hatagala has menaien a torimilimiou.

Kolosi 4:8

Nonei koru a ka te hala sil megien lia i tamilimiou ba nonei te hatei ranoui limiou ime te marka uamu lam, bate kato hasasaala ranou limiou.

1 Tesalonaika 2:11

Alam u ranga meraiou limiou temar ranga mena nei a katuun a galapien i tanen. Alam u tahul raiou limiou a man tötöa na lam u ranga hatagala gono meraiou limiou tego kato mena milimiou a markato te kato hasasaalena e Sunahan. Taraha, nonei e ngö ranou limiou tara Nipepeito i tanen ba limiou te tatei atei silemiou a nitsunono pan i tanen.

1 Tesalonaika 2:3

Alam ema katoemi u ranga te katoeier u katuun u omi na u gamogamo. E möa. Na lam ema hakats homi mi nema gamo has rami u katuun. E möa.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

1 Tesalonaika 4:18

E kato uana teka, ba limiou te hatei rami a palai u raranga teka bate hatagala ramen.

2 Tesalonaika 3:12

Alam e ranga hatagala mia turu katuun teka tara solo tere Iesu Kristo a Tsunono, alimiou go hanoeiam u ranga pinopino ba limiou te kuin moni peisamiou.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

1 Timoti 4:13

E antunana tena la guma lia, alö go hatagala nitöani tego rit menai lö u Buku u Göagono turu katuun bate hahengor, balö te rararie men bate hihatuts has namen.

1 Timoti 6:2

A katunun kukui puku te ka na tara katuun pan te kamena u nihamana goma tatei omieien, noahasina te pala uanen tere Kristo. Nonei ega ngil korueien bate kui hatagala koru beienen, taraha, nonei e kui beiena a katununa turu nihamana. Alö go hihatuts hatagalein a manka teka.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Taitus 1:9

Nonei ega pile kap hakarapotein u raranga u mana tere Sunahan timar hatuts menaien, ba nonei te hihatuts nanou u raranga u mana, ba u katuun te hanigeriou u hihatuts bate hamanar. Ba nonei te tatei ranga hatagalana turu katuun te ranga hasoalar bate hatei raneien te kukute mena rien u raranga u gamo.

Taitus 2:15

Nonei teka a manka tego hihatutsinilö. Ranga mei a nitagala tara nitsunono i tamölö bate hala nem u rangan hitaguhu turu katuun te hengoe riou lö. Möa tu kato taka tegi tatei raharaha meilö u katuun. Ta katuun e namots sigale noulö.

Taitus 2:6

Na lö go ranga hatagala has mer u hitots egi hakats haniga bate hala puta haseier a peisaren.

Taitus 2:9

Ranga mer u katunun kukui puku egi hengoer u katuun pan i taren bate kato hasasaala mera rien a mamanaka te katoe ren. Nori egima antunan ranga palis rai u katuun pan i taren, na egima antunan kop hasnai a manka i taren.

Hibru 10:25

Ara gima hanöan hagum ii, te markato uaier a palair u katuun. E möa. Aragi kato hatagala kap nitöari a man hahatoulana, taraha u Lan Pan tara Tsunono e sukusuku hakapama.

Hibru 13:22

A matsi hahatoulana, hengo hanigeiam u raranga te koloto negulia teka batema sökanami, taraha u pas teka u makmakum.

Hibru 3:13

Alimiou go hihitaguhi iam turu mamana u lan antunana te ka noa uana a pöata. Taraha, a markato a omi ena mots gamo ranou limiou bate kato hahihipus ranou limiou.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

U pas te kolotein e Jut 1:20

Kaba limiou, a matsi hahikapien i tar, e möa koru tego markato uaiam limiou te kato uaier u katuun teka. Alimiou go kato hatagala nitöa naiam u nihamana i tamilimiou bate hamana hanige miou u hihatuts tere Sunahan te kato hamatskö ranoura. Alimiou go singo nitöa uaiam tere Sunahan, bate singo memiou a nitagala turu Namnamei u Göagono.