1 Korin 14:20 - U Bulunagana U Niga

²⁰ A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 14:20 ပူးပေါင်းရင်းမြစ်များ

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 19:14

Be Iesu e poeiena, “Haka baraiam a galapien gi la uama i tar, ma hapiou rami, taraha a Nipepeito tere Sunahan e ka uana turu mar katuun teka.”

Matiu 19:4

Be Iesu e ranga palis ranen me poeiena, “Alimiou u rit haniga haseiam u raranga te kana turu Buku u Göagono te poeiena, ‘tara tantania e Sunahan e kato raien a tson na tahol, Nonei te laba silanena a tson e tamanen na e tsinanen batena ka gono mena a tahol i tanen ba nori a huol te katoeier u töa puku u tuenrei.’

U Bulungana u Niga tere Iesu Kristo te kolotein e Mak 10:15

Alia e hatei hamana koru ragou limiou, a katuun tema hengo hanige nei u raranga tere Sunahan temar hengo uana a pien, a katuun teka ema antunan tasu nei tara Nipepeito tere Sunahan.”

U Bulungana u Niga tere Iesu Kristo te kolotein e Luk 18:17

Alia e hatei hamana ragou limiou, a katuun tema hengo hanige nei u raranga tere Sunahan temar hengo haniga uana a pien, nonei ema antunan tasu noi tara Nipepeito tere Sunahan.”

U pas te koloto menai e Pol turu kristenira i Rom 1:13

A matsi hahatoulana alia e hatei ragou limiou, tara para a pöata alia u ngil korui tegona tara merai limiou, kaba a nilala i tar ema mala manai. Alia e ngilegu u katuun i gusumilimiou egi hamani u raranga i tar, ti mar hamana has uu a palair u katuun tema Jiu ri.

U pas te koloto menai e Pol turu kristenira i Rom 16:19

U katuun hoboto e atei siler alimiou e hengoe miou u Bulungana u Niga, na lia e sasaala koru mera goulimiou. Kaba lia e kato silegu alimiou go atei sil hanigeiam a markato a niga bate tutu ba namiou a markato a omi.

1 Korin 13:11

Pöata tu tetenei noaia lia, alia u ranga herei a pien, alia u hakats herei a pien, na lia u katoi a markato tara niatei tara pien. Kaba pöata tu pan ia lia, alia u hanöa ban a markato tara pien.

1 Korin 14:19

Kaba i luman lotu, alia ema antunan ranga hapara koru gia turu tana u mar ranga, e niga balana tego ranga menai lia a tsi tabubun raranga te tatei hatuts ragi lia u katuun bate lueier a ka te ranga negulia.

1 Korin 2:6

Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

Epesis 4:13

Na toukui teka e la lasnou e antunana tara pöata tena hamana hoboto rouara bate ka mera u töa u nihamana. E antunanoa tara pöata tena atei sil haniga hobote rouara a Pien Tson tere Sunahan bate here nei a töa a niatei. Ba ra tena butu here roi a katuun te ka mena u nihamana na markato a niga a tangoho, te markato uana e Kristo.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

Pilipai 3:15

Ara hoboto te atei haniga silera a Tsunono ega kamei u mar hakats u niga. Na te hakats halhal ria a palai i tamilimiou, ba e Sunahan te hamatsköe nou u hakhakats i tamilimiou.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita