1 Korin 14:2 - U Bulunagana U Niga

² A katuun te ranga na turu tana u mar ranga ema ranga uanei turu katuun, taraha e möa ta katuun tega atei sileien. Nonei e ranga uana tere Sunahan bate katoena u rarangana tara nitagala turu Namnamei u Göagono.

1 Korin 14:2 ပူးပေါင်းရင်းမြစ်များ

Matiu 13:11

Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.

U Bulungana u Niga tere Iesu Kristo te kolotein e Mak 16:17

Na u katuun te hamanar e katoeier romana a man mirakol tara nitagala tere Sunahan te markato uana teka: nori e poeier romana a solor bate tsuga ba raier u liliahanei u omi. Na nori e ranga ria romana tara man ranga man tsimus tema atei sileri.

U Bulungana u Niga tere Iesu Kristo te kolotein e Mak 4:11

Ba nonei e ranga palis ranen me poeiena, “E Sunahan e haröto ranei limiou a ka tema hatara raien u katuun i manasa. Alimiou e atei silemiou ime temar pepeito kap uanen. Kaba u katuun tema atei sileri ime temar pepeito kap uana e Sunahan, nori e hengo las ria turu rangan haharuei tuun.

Aposol 10:46

Taraha nori i hengoe ti ranga uaien tara man taina man ranga me soloseier e Sunahan. Be Pita e poeiena, “U katuun teka e lu haser u Namnamei u Göagono tu mar lu has menaien lam. E möa ta katuun tega antunan hapioun tegi baptais merai u katuun teka u ramun,”

Aposol 19:6

Pöata te hatakopeia e Pol a limanen ieluren, ba u Namnamei u Göagono e koul uanama i taren. Ba nori e ranga ria turu mamana u mar ranga, me ranga ner a manka te butu moto nou.

Aposol 22:9

A pal tson ti la gono meiou lia i tari u ualesala, kaba nori ima hengoi u ranga tara katuun te rangaia i tar.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

1 Korin 12:10

Tara tai, e haleri a nitagala tego kato menaien a man mirakol, na tai e haleri a nitagala tego ranga menaien u rangan propet, na tai e hala haseri a nitagala tego ona menaien u spirit u niga na u spirit u omi. U Namnamei tere Sunahan e hala hasenei a tana katuun a nitagala tego ranga menaien u tana u mar ranga ba tai te haleri a nitagala tego hatarare menaien ime temar mouna uana u raranga teka.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 13:1

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

1 Korin 14:16

Taraha te singo moalö tere Sunahan turu namnamei i tamölö, a tana katuun halhal koru ema tatei poa noi “U mana” turu hanhaniga i tamölö. Taraha, nonei ema atei sile nei aha te ranga nemölö.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

1 Korin 15:51

Hengoiam! Alia e hatei ragi limiou aman raranga te mous: ara ema mate hoboto roi, kaba ra hoboto e palisira romana.

1 Korin 2:10

A mamanaka teka e Sunahan e haröto sila raien ra turu Namnamei i tanen. Taraha u Namnamei e tara sabiena a mamanaka tara mamana makum na e tara sabe hasena a mouna a manka tere Sunahan te mousuna.

1 Korin 2:7

Kaba a niatei te ranga nemu lam nonei a niatei tere Sunahan te mous i manasa. Na a niniganiga tere Sunahan e haka beraien ra i mamuna te taniaia a pöata.

Epesis 6:19

Na limiou go singo be hase moulia, ba tara pöata te katsin ranga goua lia be Sunahan te hale noui lia u raranga, ba lia tema matout goui tego habulungana menai lia u Bulungana u Niga te mous i manasa.

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Timoti 3:9

Nori egi pile kap hakarapotein a mouna u nihamana batema katoeri ta ka tega hamatsingolo raien, na nori egi ka mei u hakats u gogoso.

Revelesin 10:7

Kaba tara pöata te pihe noa a hatohitina a angelo a tuhil i tanen, be Sunahan te habutu hamane nou a ka te mous, a ka te hatei mam raien u katunun kui i tanen u propet tega katoeien.”