1 Korin 14:1 - U Bulunagana U Niga

¹ Alimiou go tagala sileiam a markato te ngil menari a tabi, na te ngil has menari a nitagala turu Namnamei u Göagono, na limiou go ngil hatagala korueiam a nitagala tego habulungana mena milimiou u raranga hamatskö tere Sunahan te ngöeri u rangan propet.

1 Korin 14:1 ပူးပေါင်းရင်းမြစ်များ

U pas te koloto menai e Pol turu kristenira i Rom 12:6

E Sunahan e hala raira a man tötöa a man nitagala tegi kato haniga menai ra a mamana mar toukui. Te haleia lö e Sunahan a nitagala tego lu menai lö u ranga hamatskö i tanen bate rararie men, ba lö te rarare hapopo namien te mar hamana uamölö.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

U pas te koloto menai e Pol turu kristenira i Rom 9:30

Bora ime tegi mar ranga uu ra? U katuun tima Jiu ii na tima torohanan kato hamatskö ia i matana e Sunahan, kaba turu nihamana i taren be Sunahan e ngö raneien u katuun u matskö i tanen.

1 Korin 12:1

A matsi hahatoulana, alia e ngilegu alimiou go atei sileiam a man nitagala te hala nena u Namnamei u Göagono turu katuun.

1 Korin 12:31

Kaba limiou go tagalaiam bate hasoso sile miou a man nitagala te niga balana. Na lia e haröto tala ragoui limiou a maroro te niga bala koruna.

1 Korin 13:13

A topisa a ka teka te ka nitöana: a markato te hamana uaier tere Sunahan, na markato te hamana sil menari a manka man niga, na markato te hiangilngil uaier. Kaba markato te hiangilngil uaier te pan saluhena.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

1 Korin 14:22

Te ranga menari u tana u mar ranga ema hiharöto uanei turu katuun te hamanar kaba u hiharöto turu katuun tema hamana ri. Na nitagala te ranga menari u raranga hamatskö tere Sunahan ema ka sil hase nei u katuun tema hamanari. Kaba e ka silena u katuun te hamanar.

1 Korin 14:37

Esi te poeiena nonei e ka mena a nitagala tego ranga menaien u raranga hamatskö tere Sunahan tsi e ka mena a nitagala turu Namnamei u Göagono, nonei e tatei atei silena a manka te koloto mena gilia i tamilimiou e Sunahan e ranga mam naien i tar.

1 Korin 14:39

A matsi hatoulana, ngil hatagala korueiam a nitagala tego ranga mena milimiou u raranga hamatskö tere Sunahan, na e möa tu hapiou naim tegi ranga menai u tana u mar ranga.

1 Korin 16:14

Katoeiam a mamanaka bate kato memien a tui milimiou.

Epesis 1:3

Ara u katuun tere Kristo aragi solosei e Sunahan, e Tamana e Iesu Kristo a Tsunono i tarara. E Sunahan e hala ranei ra a mamanaka a nigana i Kolö, a mamanaka turu Namnamei, na u bulungana teka e kato hasasaala koru ranoura.

1 Tesalonaika 5:20

Ma ranga homi nami a katuun te ranga nena u raranga u matskö tere Sunahan.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.