1 Korin 13:5 - U Bulunagana U Niga

⁵ Na u ngil e kato hamatsköna tara taina katuun na ema tatei hakats peisa nanei a peisanen pouts, na ema tatei raharaha boroboro nei, na ema tatei tori homi has nei.

1 Korin 13:5 ပူးပေါင်းရင်းမြစ်များ

Matiu 5:22

Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.

Matiu 9:4

Kaba e Iesu e atei sil hakapi u hakhakats i taren me poeiena, “Taraha tsiponi ba limiou te ka memiou u hakats homi i torimilimiou?

U Bulungana u Niga tere Iesu Kristo te kolotein e Mak 3:5

Be Iesu e hula tara uana i taren ba nonei e raharaha koruna, taraha a torir u katuun teka e roto koru batema hahan ranga palis ri. Ba nonei e poeiena tara katuun a lima mate, “Hasoa nema a limamölö.” Ba nonei e hasoa nena a limanen ba limanen e niga poutsuna.

U Bulungana u Niga tere Iesu Kristo te kolotein e Luk 7:39

Pöata te tareia e Saimon a ka te kati a tahol, ba nonei emar hakats tuun uana teka, “Sanena tega propet hamanaia a tson teka, ba nonei te tatei atei silena a saha mar tahol te sebele nen, nonei a tahol a omi!”

1 Korin 10:24

Möa tu hakats sil peiseiam a niniganiga i tamilimiou, hakats sil haseiam a niniganiga tara palair u katuun.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 11:18

Alia u hengoin u raranga te poeiena: tara pöata te hagum hoboto mia limiou, ba limiou te kats kilkil namiou temar hun katuun uami limiou, na lia e hamana hats tabubegu u ranga teka.

1 Korin 12:25

Ba man makum turu tuenrei tema tatei hia tsugtsuga ri, kaba nori gi hia taratara kap haniga nitöani a peisa ren.

1 Korin 7:36

Ti hapous kap naia a tson na tahol, a tson ema tatei kato homi nei. Na te tagala koruna u ngil tara tson, ba nonei te tatei katoena a ka te ngile nen bate tölena a tahol. A ka teka ema omi nei. Hahitöl raiam

2 Korin 5:19

E mar ranga uana teka, e Sunahan e nolo pouts sila has raia u katuun tanen i puta tere Kristo. Nonei ema hakats nai a man markato a man omi i taren. E möa. Ba nonei e hala ranei lam u raranga tegi mar nolo pouts merai u katuun bate la pouts ruma i tanen.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

2 Tesalonaika 3:7

Kaba limiou ego atei sileiam i me tego mar kukute merami limiou alam. Alam uma karous ii tara pöata tu kaia lam i tamilimiou. E möa.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

2 Timoti 4:16

E möa ta töa ta katuun tega taguheiou lia tara pöata tutuun tu kaia lia turu kout. U katuun hoboto i laba naiou lia. Alia e ngilegu e Sunahan egoma hahuna raien tara ka teka.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.