1 Korin 13:4 - U Bulunagana U Niga

⁴ A markato te hiangilngil uaier e markato uana teka: u ngil ema tatei sökananei na e tuatamina, na u ngil ema tatei tara ngil nei na ema tatei hangisei nei, nema tatei ranga hapan has nei bate soloseiena a peisanen.

1 Korin 13:4 ပူးပေါင်းရင်းမြစ်များ

Matiu 27:18

Nonei e atei sil a saha ka tina hala sileien e Iesu i tanen, taraha nori i hiomi.

Aposol 7:9

“A man munmun toulana teka i hiomia tere Josep me hahol naren, ba nonei ena kukui pukuna i Itsip. Kaba e Sunahan e ka gono meien, me luba naneien a mamana nomi hoboto te butuia i tanen. Ba pöata te butuia e Josep i matana e Pero a Kingina i Itsip, be Sunahan e haniga korue nen me hale neien a niatei a niga. Ba e Pero e hopö kap sile nei e Josep tega pepeito kap menaien a mamanaka tere Pero na u katuun i tanen na han hoboto has i Itsip.

U pas te koloto menai e Pol turu kristenira i Rom 1:29

Ba nori e saputu mer a mamana a markato a omi: nori u katuun u gulgulka, na u hihiomi bate tori homi ner a taina katuun bate hiatungur bate hipölir. Na te gamo uaren bate hakats homir bate tuts sil has raier a palair u katuun.

U pas te koloto menai e Pol turu kristenira i Rom 13:13

Aragi kato hamatskö, te kato uaria u katuun tara lan. Aragi ma kukutiei a markato te kato homi ria u katuun tara pati na te spak uar na te tsikolo uar na te hakats homi uar na te raharaha uar na te hiomi uar. E möa.

1 Korin 3:3

Taraha, alimiou e ka here noahas mi u katunura i puta. Alimiou e hiomor miou na e hia o omi miou na e hiangenngena hasmiou. A markato teka e haröto nena alimiou e ka noa las mia tara markatona i puta.

1 Korin 4:18

A palai i tamilimiou e hipusur bate poeier alia ema antunan na hamatskö ragi limiou.

1 Korin 4:6

A matsi hahatoulana, a man raranga teka te kato beregu lei lia limiou e hatei nena e Apolos na lia. Alimiou go röteiam a markato i tamulam bate kukute hasemiou u Buku u Göagono. Alimiou goma soloseiemi a töa bate omiemiou a tabi. E möa.

1 Korin 5:2

Alimiou e masa koru las memiou a markato teka te kana i tamilimiou? Alimiou go tabe meiam a nimatsingolo. A tson te kato homina egi tsuga banaia tara han i tamilimiou.

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

2 Korin 12:20

Taraha, alia e matoutegu tena la pouts guma lia romana, alia ema ngile goi a manka tena tare goulia na limiou ema ngil hase moi tena mar ranga ua goulia. Alia e matoutegu alia e na sabie gou te hia o omi uamiou limiou bate hia raharaha miou bate hakats peisa namiou a peisamiou. Alimiou e namos ranga hohomi silemou a palai bate tuts sil ramen, bate ranga hangisei namiou a peisa milimiou bate kato hatutu has miou.

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

Galesia 5:26

Ara gima tatei pei ara u katuun u kapan. Na ra gima tatei kato haraharahei a tabi bate hia o omira. E möa.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Pilipai 1:15

A palai e rarare meri e Kristo taraha nori e hiomi ria i tar bate kato haraharaha raier u katuun. Kaba palai e rarare meri e Kristo taraha nori e niga ria i tar.

Kolosi 1:11

E Sunahan e tatei kato hatagala ranou limiou e antunana tara nitagala pan i tanen, ba limiou te sasaala memiou tego kato nitöa menami u ngilngil i tanen bate niga mia i tanen.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Timoti 6:4

A mar katuun teka e ngil koruena a peisanen na ema atei silenei ta ka, na e ngilin ranga sisi tuun mena u ranga. A markato teka e habutena a hiomimi ba katuun te ranga homi nena a tai, bate hiahakhakats homir bate hiangenngenar.

2 Timoti 2:25

Bate tuatami merena u katuun te tori tsuga ner u raranga i tanen bate hamatskö ranen. E Sunahan te tatei haniga nanou tegi palis uen bate atei siler u raranga u mana.

2 Timoti 3:10

Kaba lö o Timoti, u kukutiema u hihatuts i tar, na markato i tar, na ka te kato sile gulia. Alö e atei silem temar hamana uagu lia tere Sunahan na te ngil meragi lia u katuun na te tuol hatagala uagu lia bate tuatami mera gen.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Jemis 4:5

U raranga tere Sunahan ema ranga papala nei te pei mena neien, “U namnamei te hakeia e Sunahan iaharara e ka mena u ngil u tagala, u ngil te kamena a hiomi pan koru.”

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

1 Jon 4:11

A matsi hahikapien, temar ngil koru meraira e Sunahan, nonei tegi mar ngil koru has menaira a tana katuun.