1 Korin 11:32 - U Bulunagana U Niga

³² Kaba te hamatskö rena ra a Tsunono, nonei e hahuna sil raneira ara gima tatei hahuna gono merai u katunura i puta.

1 Korin 11:32 ပူးပေါင်းရင်းမြစ်များ

U pas te koloto menai e Pol turu kristenira i Rom 3:19

Ara e atei silera a mamanaka te ranga nena a Lo tere Mosis e la uana turu katuun te kukuteier a Lo teka. A ka teka e hapiou rena u katuun hoboto te ngilin poeier, “Alia e möa ta markato ta omi.”

U pas te koloto menai e Pol turu kristenira i Rom 5:16

A markato a omi tara töa katuun te habutu a ka a omi. Na ka a omi teka ema popo has neia tara kaan halhala puku tere Sunahan. Taraha, i murina te kato homi ia e Adam a töa puku a pöata, be Sunahan e hopö kap beneien a nihahuna. Kaba i murina ti kato homi hapara iara, e Sunahan e taatagi noa has raioura me ngö ranei ra u katuun u matskö.

1 Korin 1:20

Esi nonei a katuun a atei? Na esi nonei a katununa turu buku? Na esi nonei a katuun a ateina tara Lo tere Mosis? Nori hoboto ema pan ria i matana e Sunahan. E Sunahan e hatei hakapein a niateina tara han i puta, a ka papala koru.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

1 Korin 11:30

Nonei a ka te pinolasa sila ria a palai i tamilimiou, ba palai te mate hakapar.

1 Korin 11:31

Kaba tegi hamatskö haniga mam menaira a peisarara, bara tema tatei hamatskö raroui.

1 Korin 11:33

Na ma tsi toular, tara pöata te gono sile mia limiou a kannou tara Komunio, ba limiou te hahalosemiou a tabi.

1 Timoti 1:20

A maroro tala ti kukuti ere Himenias mere Aleksenda balia ena haka ragien i limana e Satan, ba nori te hatuts rari tegima ranga hohomi menaien e Sunahan.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

Revelesin 3:19

Te kato homi roua u katuun te ngil regu lia, alia e hapiou ragouen bate hamatskö ragouen. Alimiou go ngil hatagale iam a Tsunono bate tori tsuga namiou a markato a omi.