1 Korin 11:23 - U Bulunagana U Niga

^23-24 U hihatuts te hale ii lia a Tsunono, te hala has ragilia alimiou. I mamina tega mateia e Iesu a Tsunono, nonei noahas tara bong ti hala naien turu pakö, banonei e lueiena a beret me haniga uana tere Sunahan, ba nonei e pose nen me poeiena, “Nonei u tuenrei i tar teka tena mate sil ranou limiou. Alimiou ena kato has uamou teka bate hakats pouts namou lia.”

1 Korin 11:23 ပူးပေါင်းရင်းမြစ်များ

Matiu 26:17

Turu lan tutuun tara kannou te noue ria a beret te möa ta is, ba u katunun tsitsilo i laua rima tere Iesu memi rangate ren, “Alö e ngilem alam go la u ime batena kato hamatskö bemi lö a kannouna turu Paska?”

Matiu 26:34

Be Iesu e poeiena tere Pita, “Alia e hatei hamana korue goulö, i mam te kekeretskö noa a keriou a tson i bong teka, balö te holis namou tego atei sil menai lö alia tara topisa a pöata.”

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

U Bulungana u Niga tere Iesu Kristo te kolotein e Luk 22:17

Be Iesu e luena a kap uain me haniga uana tere Sunahan me poeiena, “Lueiam a kap teka ba limiou a man tötöa te ua mia i tanen.

Aposol 20:7

Turu Sandei alam u gono sil tego nou hoboto uu bate kato hasem a Komunio. E Pol e katsin la turu hamahö ba nonei e rangana turu katuun me pile kap ranen e antunaia tara gusuna bong.

1 Korin 10:16

Uain u göagono te ue rara bara te haniga uara tere Sunahan te gono ranou ra turu rahatsing tere Kristo, na beret te pose rara bate noe ren e gono has ranou ra turu tuenrei tere Kristo.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Kolosi 3:24

Taraha, a Tsunono e hala ranei romana limiou u hamatana u niga. Alimiou e luemiou romana u hamatana te haputu raneien u katuun i tanen. Taraha, alimiou e kui sil korue miou e Kristo. Nonei a Tsunono i tamilimiou.

1 Tesalonaika 4:2

Alimiou e atei silemiou u raranga tu hala railam alimiou, u raranga te hala has nema a Tsunono e Iesu i tamulam.