1 Korin 10:23 - U Bulunagana U Niga

²³ “A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun.

1 Korin 10:23 ပူးပေါင်းရင်းမြစ်များ

U pas te koloto menai e Pol turu kristenira i Rom 14:15

Te omi silana a hahatoulana i tamölö tara ka te noue mölö, e hatei nena alö ema ngil hamane mien. Taraha, nonei e kukutiena a markato i tamölö bate kato homiena a torinen. Kaba e Kristo e mate sil hasi a hahatoulana i tamölö. Tara kap haniga talein a ka te noue mölö. Nonei e namots kukutiena a markato i tamölö bate kato homi hasena a peisanen.

1 Korin 14:12

Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.

1 Korin 14:17

Noahasina te singo haniga koru uamölö tere Sunahan kaba a niniganiga i tamölö ema taguhe nei a taina katuun.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

1 Korin 6:12

A palai i tamilimiou e pei riou, “E nigana te kato mena gilia a mamanaka.” Kaba, a palaina manka ema taguhe noi lö. “E nigana te kato mena gilia a mamanaka.” Kaba lia ema haka pute goi a peisar ta töa ta ka.

1 Korin 8:1

Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun.

1 Korin 8:9

Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi.

2 Korin 12:19

Alimiou romana e pei toum lase miou alam e ranga kökopo nem a man ranga teka bate taguhu pouts ranou lam? E möa. Alam e ranga nem u raranga te hala nema e Kristo i matana e Sunahan, na mamanaka te katoe mulam a matsi hahatoulana, e taguhu ranou limiou.

Epesis 4:29

Alimiou goma ranga nami u ranga u omi. Kaba limiou go katoeiam u raranga u niga tega taguhi a katuun te ranga gono memi limiou, bate kato hasasaale nen.

1 Tesalonaika 5:11

E kato uana teka, ba limiou te hiatagtaguhu miou bate hatagale miou a taina katuun ti roron markato uaiam limiou.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.