1 Korin 1:30 - U Bulunagana U Niga

³⁰ Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

1 Korin 1:30 ပူးပေါင်းရင်းမြစ်များ

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

U Bulungana u Niga tere Iesu Kristo te kolotein e Luk 11:49

E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

U Bulungana u Niga tere Iesu Kristo te kolotein e Jon 1:18

E möa ta töa ta katuun tega tara noabi e Sunahan. Kaba a töa koru a Pien Tson i tanen, nonei has e Sunahan te sukusuku koruna i torina e Tamanen, nonei te haröto raira e Sunahan.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 17:26

Alia u haröto naia lö i taren, na lia e kato noahase gouen tara mamana pöata. Taraha, alia e ngilegu nori gi hiangilngil temar ngil has mena milö alia. Na lia e ka has goua i taren.”

U Bulungana u Niga tere Iesu Kristo te kolotein e Jon 17:8

Na lia u hala hakapa raien a man raranga tu hale mei lö alia, ba nori te hamane ren. Na nori e atei siler alia u la hamanama i tamölö, na nori e hamaner tu hala mena mei lö alia.

U Bulungana u Niga tere Iesu Kristo te kolotein e Jon 8:12

E Iesu e ranga lel uu turu katuun me poeiena, “Alia u ualesala te alesala uana turu katuun i puta. Esi te kukutie noulia ema tataala lel noi turu kuhil kaba e ka menou u alesalana tara nitöatöa hamana.”

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

U pas te koloto menai e Pol turu kristenira i Rom 1:17

Taraha, u Bulungana u Niga e haröto nena te markato hamatskö mera nei e Sunahan u katuun i matanen tara pöata te hamana uaren i tanen, ba nonei te kato hamatskö ranen. Ba ka teka te taguhu ranen ba nori te hamana haniga koru lel ria i tanen. Ti mar koloto has menaien turu Buku u Göagono, “A katuun te matsköna i matana e Sunahan bate hamanana, a katuun teka te töatöa nitöa nou.”

U pas te koloto menai e Pol turu kristenira i Rom 11:36

Taraha, e Sunahan e habutu a mamanaka hoboto na nonei peisa a mouna a mamanaka, na manka hoboto e ka uana i tanen. Ba ra te solosei nitöa tala nera e Sunahan. U mana.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

U pas te koloto menai e Pol turu kristenira i Rom 16:11

Na a niniganiga has tere Herodian a töa han i tar, na pinaposa tere Narsisas te pala has uaier tara Tsunono.

U pas te koloto menai e Pol turu kristenira i Rom 16:7

Na hala has namou u hanhaniga i tar tere Andronikus mere Junias, nori a hun katuun i tar ti ka gono meia lia tara karabus. U aposol e atei sil haniga raren, na nori i hamana mam naia lia tere Kristo.

U pas te koloto menai e Pol turu kristenira i Rom 4:25

E Iesu e mate sil a man markato a man omi i tarara me takei pouts silena tego kato hamatskö meraien ra i matana e Sunahan.

U pas te koloto menai e Pol turu kristenira i Rom 4:6

E Devit a King e mar ranga has uu teka, a katuun e tatei sasaalana te ngö mena neien e Sunahan a katuun a matskö i matanen batema hakats nanei a markato a niga i tanen:

U pas te koloto menai e Pol turu kristenira i Rom 5:19

Turu kato homi tara töa katuun puku te hipusin e Sunahan ba katuun a parpara e kato homina i matana e Sunahan. Kaba a tana katuun e hengo hanigei e Sunahan, ba katuun a parpara e matskö ria i matana e Sunahan.

U pas te koloto menai e Pol turu kristenira i Rom 5:21

I manasa a markato a omi e haka puta raia u katuun tara tou mate. Kaba a nihitaguhu tere Sunahan e antunan kato hamatskö rena u katuun bate hala raneien a nitöatöa te ka nitöana ti lu sila naiara tere Iesu Kristo a Tsunono i tarara.

U pas te koloto menai e Pol turu kristenira i Rom 8:1

Ara u katuun te kagono mera e Iesu Kristo ema antunan lu narei tu nihahuna.

U pas te koloto menai e Pol turu kristenira i Rom 8:23

Ema nori peisari. Ara has, te ka mera u Namnamei tere Sunahan a tantania tara mamanaka a niga tena lue riou romana. Ara e har hasira bate hahalosera a pöata tena lu ranoua ra e Sunahan, ba ra te galapien hoboto uarou i tanen, na tuenreirara na u namnamei has i tarara.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

1 Korin 1:24

Kaba u katuun te ngöri e Sunahan, u Jiu na u katuun tema Jiu ri, nori e ngiler u hihatuts teka. E haröto nena e Kristo nonei a nitagala tere Sunahan na niatei has tere Sunahan.

1 Korin 12:18

Kaba u tuenrei ena markato uanei teka, e Sunahan e hakeia a mamana makum turu tuenrei turu ngil peisa i tanen.

1 Korin 12:27

Alimiou tala u tuenrei tere Kristo, na man tötöa i tamilimou a man makum turu tuenrei i tanen.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

1 Korin 4:15

Noahasina te ka memia limiou a parpara koru a katuun te tatei hatuts rari limiou e Kristo, alimiou go hakats pouts naiam alia puku a töa i tamamilimiou. Taraha, alia u butu here ii e tamamilimiou tara pöata tu hatuts naia lia u Bulungana u Niga bate taguhu ragou limiou tego hamana uaiam limiou tere Iesu Kristo.

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

2 Korin 12:2

Turu töa u maloto na u tohats u hiningal te la kapa, alia i lu menai i Kolö iasa nitöa. Alia ema atei silegi a ka teka e butu hamana tsi alia u tara tuni u hiharöto. E Sunahan te ateina.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

Epesis 1:14

U Namnamei tere Sunahan te kana i tarara e here nei u raranga u tagala hamana te haröto raneira e Sunahan, e hala ranoui ra a ka te ranga hamana naien turu katuun i tanen. Ne haröto has nena e Sunahan e sakahis pouts nitöa ranoura te katuun hoboto uarara i tanen. Bara te haniga uara tere Sunahan te pan saluhena bate soloseie ren.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

Epesis 5:26

Nonei e mate sil tega baptais meraien a hun katuun i tanen, me kato hagogoso mera neien u raranga tere Sunahan, be kato hagöagono has ranen.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

Kolosi 1:14

E Sunahan e sakahis sila raiara i tanen me luba ranera a man markato a man omi.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 9:12

E Kristo e tasuia iahana makum hamatskö te kana e Sunahan a töa puku a pöata, bate antunana tara mamana pöata hoboto. Nonei ema tasu mei u rahatsingina meme tsi a tunan bulmakau. E möa. Nonei e tasu mei u rahatsing peisa i tanen bate sakahis pouts nitöa mera nei ra tere Sunahan.

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

1 Jon 5:6

Nonei a katuun teka e Iesu Kristo, ti baptaise ii u ramun. Na u rahatsing i tanen e oloia tara tou mate i tanen. U ramun na u rahatsing i tanen has e hatei hamana nena nonei e Iesu a Pien Tson tere Sunahan. Nu Namnamei tere Sunahan has e hatei hamana nanen, taraha u Namnamei tere Sunahan e manana bate ranga hamanana.

Revelesin 14:4

Nori a pal tson u gogoso tima opö gono mei ta tahol. Nori u katuun u masura ti kukute a Tunan Sipsip tara mamana makum te la uaien. E Sunahan e sakahis ba raien u katuun hoboto i puta, na nori a hun katuun tutuun te lu pouts merai e Sunahan i tanen na tara Tunan Sipsip.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.