1 Korin 1:26 - U Bulunagana U Niga

²⁶ A matsi toular te ngöri e Sunahan, hakats pouts naiam a peisa milimiou. I matar u katunura i puta, ema para nei ti ka mei a niatei, na ema para nei ti ka mei a nitagala, tsi a solo pan.

1 Korin 1:26 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 1:3

Na lia e ngilin koloto has menagi u raranga te hatei hamatskö nena a manka teka i tamölö. Taraha? Alia u solon torohala hatagala koruni tego atei sil menai a manka hoboto te katoe e Iesu na te butuia i tanen.

U Bulungana u Niga tere Iesu Kristo te kolotein e Luk 10:21

Nonei has tara pöata, e Iesu e ka mei a nisasaala pan turu Namnamei u Göagono me poeiena, “O Tamar, alö a Tsunono pan i Kolö na i puta! Alia e haniga koru megia i tamölö te hamous me milö u raranga u mana turu katuun te poeier e ka mer a niatei, bate haröto namen turu katuun papala tema atei balari. Aa, O Tamagulia, alö e markato uaiem teka turu ngil peisa i tamölö balö te sasaala memen.”

Aposol 13:12

Pöata te tareia e gamman a ka teka ba nonei e töan hamanana. Nonei e asingoto koruni u hihatuts tara Tsunono.

Aposol 13:7

Nonei e ka gono mei a katununa tara gamman tara tolo teka, a solonen e Setsius Paulus, a katuun te ka mei a niatei a niga. Be Setsius Paulus e ngö rena ere Banabas mere Sol, taraha nonei e ngilin hengoen u raranga tere Sunahan.

Aposol 17:34

Kaba a palair u katuun ti ka gono meien i hamana me ka gono mer e Iesu. E Daionisias, te kaia turu hagum i Ariopagas, e kaia i gusuna a tsi hun katuun teka, na töa tahol has a solonen e Damaris, na palai has ti ka gono meraien.

U pas te koloto menai e Pol turu kristenira i Rom 11:29

Taraha, e Sunahan ema palise ii u hakats i tanen turu katuun te hopö kap raien na te kato hasasaala raien.

1 Korin 1:20

Esi nonei a katuun a atei? Na esi nonei a katununa turu buku? Na esi nonei a katuun a ateina tara Lo tere Mosis? Nori hoboto ema pan ria i matana e Sunahan. E Sunahan e hatei hakapein a niateina tara han i puta, a ka papala koru.

1 Korin 2:13

Ba lam tema ranga nami u raranga tara niatei turu katuun tuun. E möa. Alam e ranga nem u raranga te hatuts railam u Namnamei tere Sunahan bate hatarare nem a manka tere Sunahan turu katuun te ka mer u Namnamei tere Sunahan.

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

Pilipai 4:22

U katuun tere Sunahan te kui ria tara luma pan tere Sisa a gamman pan e hala neruma u hanhaniga i tamilimiou, na u katuun hoboto tere Sunahan teka e hala has nariou u rangan haniga i taren i tamilimiou.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

2 Jon 1:1

Alia e Jon, a tson a kapan i tamilimiou. Alia e koloto menagi u pas teka i tamölö a tahol te hopö kapiin e Sunahan na galapien has i tamölö. Alia na u katuun hoboto te atei silem u hihatuts u mana, e ngil hamana koru ramou limiou, taraha u raranga u mana e ka nitöana i torirara.