1 Korin 1:21 - U Bulunagana U Niga

²¹ Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

1 Korin 1:21 ပူးပေါင်းရင်းမြစ်များ

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

U Bulungana u Niga tere Iesu Kristo te kolotein e Luk 10:21

Nonei has tara pöata, e Iesu e ka mei a nisasaala pan turu Namnamei u Göagono me poeiena, “O Tamar, alö a Tsunono pan i Kolö na i puta! Alia e haniga koru megia i tamölö te hamous me milö u raranga u mana turu katuun te poeier e ka mer a niatei, bate haröto namen turu katuun papala tema atei balari. Aa, O Tamagulia, alö e markato uaiem teka turu ngil peisa i tamölö balö te sasaala memen.”

U Bulungana u Niga tere Iesu Kristo te kolotein e Luk 12:32

Be Iesu e poeiena, “Alimiou a matsi katuun i tar, alimiou goma matout mi. Taraha? E Tamamilimiou e sasaala mena tego hala meraien limiou a Nipepeito i tanen.

U Bulungana u Niga tere Iesu Kristo te kolotein e Jon 12:31

A pöata turu kout tere Sunahan e butu hakapa. Nonei e katsin tsuga ba tala nena e Satan.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 11:33

A mamanaka hoboto tere Sunahan e pan koru ba ranou ra. A niatei na u hakats i tanen e pan saluhe koru nena a niatei na u hakats i tarara. E möa koru ta töa tega antunan sabi temar hakats sila uanen na temar mouna koru uana a markato i tanen.

1 Korin 1:18

Pöata te rarare ria ra te mate uu e Kristo tara kuruse, ba u katuun te ka ria tara maroro te la hatutuna te poeier u raranga i tarara e tutuna. Kaba u katuun te lu pouts raiena e Sunahan e atei siler nonei u töa puku noa lasi u raranga teka te ka mena a nitagala tere Sunahan.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 1:24

Kaba u katuun te ngöri e Sunahan, u Jiu na u katuun tema Jiu ri, nori e ngiler u hihatuts teka. E haröto nena e Kristo nonei a nitagala tere Sunahan na niatei has tere Sunahan.

1 Korin 1:25

A ka te ngöeri “a nitutu tere Sunahan” e pan bala koru nena a niatei turu katuun. Na ka te ngöeri “a nipata tere Sunahan” e pan bala koru nena a nitagala turu katuun.

1 Korin 1:27

Kaba u katuun te ngö rari u tutu, e Sunahan e hopö kap sil raien tego hamatsingolo meraien u katuun u atei. Na u katuun te ngö rari u pinolasa, e Sunahan e hopö kap sil raien tego hamatsingolo meraien u katuun u tagala.

1 Korin 11:32

Kaba te hamatskö rena ra a Tsunono, nonei e hahuna sil raneira ara gima tatei hahuna gono merai u katunura i puta.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

1 Korin 4:10

Alam e heremi u katuun u tutu i matara u katuun te hengo mena milam e Kristo, kaba e noahasina alimiou u katuun u atei tere Kristo. Alam ema tagalami, kaba e noahasina alimiou e tagala korumiou. U katuun e sigala rariou lam bate hapan rariou limiou.

1 Korin 6:2

Alimiou e atei sil hasemiou u katuun tere Sunahan ena ona rer romana u katunura i puta? Aa. Na temar kato uaien teka, ba limiou te antunan hakapa korue miou a matsi raharaha teka.

Galesia 1:15

E Sunahan e hopö kap mam noa naiou lia, ba lia tema posa noeri. Ba nonei e taatagi nanou lia be ngöe noulia tego kui be menaien lia, terena pöata noahas ien te hopö kapiin.

Galesia 4:8

I manasa alimiou ima atei silemi e Sunahan bate hererami u katunun kui tara man got gamogamo.

Epesis 1:9

E Sunahan e atei soköna, na nonei e haröto raira a ka te mous i manasa, a ka te ngilin kato meien e Kristo.

Epesis 3:10

Nonei e kato sile ii a ka teka tego haröto menaien a mamana mar niatei i tanen i romana. E haröto sila naien turu katuun i tanen ba u angelo na pal kapan tara han i Kolö te tatei tare ren.

Kolosi 1:19

E Sunahan e sasaala koru mei te saputu menai e Kristo u Namnamei tere Sunahan.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Hibru 2:3

Kaba u raranga tere Iesu e pan bala nena u raranga turu angelo, na ra e möa koru tegi bus ba menai a nihahuna te totone rara a markato a niga koru teka, te lu pouts mera neira e Sunahan. A Tsunono e Iesu noahas te habulungana mamin a maroro teka te lu pouts mera nei e Sunahan u katuun, na u katuun ti hengoeien i haröto raira u raranga teka e manana.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

Jemis 5:15

Na te hamane rien a ka te singo sile ren, ba katuun te niga pouts nou. A Tsunono e kato haniga poutse nouen. Na Tsunono e luba nanoien a man markato a man omi te katoeien.