1 Korin 1:12 - U Bulunagana U Niga

¹² Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 1:12 ပူးပေါင်းရင်းမြစ်များ

Matiu 23:8

“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.

U Bulungana u Niga tere Iesu Kristo te kolotein e Jon 1:42

Ba nonei na piou nena e Saimon tere Iesu. Be Iesu e tare nen me poeiena, “Alö e Saimon, a pien tson tere Jon. Alö e ngöe roi e Sipas” (te poe hasena, “e Pita,” na te poe hasena, “a Hatu”).

Aposol 18:24

A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

1 Korin 1:11

Taraha, a matsi toular, a palair u katuun tere Kloi i hate ii lia, alimiou ema hiakaka haniga mi.

1 Korin 15:5

Ba nonei e butuna tere Pita, bena butu hasna turu aposol.

1 Korin 15:50

Alia emar ranga uagu teka a matsi hatoulana: u tuenreina turu tsiktsiki ema tatei la uanei tara Nipepeito tere Sunahan na u tuenrei te tia nou ema tatei la uanei tara han turu tuenrei te ma tatei tia nei.

1 Korin 16:12

Na tere Apolos, alia u ranga hatagala koru meien tegana tara gono meraien limiou a palair u hatoulana. Kaba nonei ema hakatsin la noa namei. Nonei ena la nama romana tega ka meien ta pöata.

1 Korin 4:6

A matsi hahatoulana, a man raranga teka te kato beregu lei lia limiou e hatei nena e Apolos na lia. Alimiou go röteiam a markato i tamulam bate kukute hasemiou u Buku u Göagono. Alimiou goma soloseiemi a töa bate omiemiou a tabi. E möa.

1 Korin 7:29

A ma tsi hahatoulana, u raranga i tar e mar mouna uana teka: a pöata i tarara i puta e makmakumuna. Na e möa ta ka tego tatei hatu kap ba rai limiou u ngilngil tere Sunahan. A katuun a hitöl goma hakatsin töapala nai a hitöl, kaba ega hakats hasiin a toukui tara Tsunono tego mar hakats has uu a katuun a tabuna hitöl.

1 Korin 9:5

Ge ma niga nei tego tataala gono menai lam ta tahol ta kristen te markato uaier a palair u aposol na u toulana has a Tsunono, na e Pita has?

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

2 Korin 9:6

U hakats pan koru teka e poeiena, tema leba hapara moalö, alö na nou hase mou a kannou a topisa. Kaba te leba hapara moalö, alö na nou hase mou a kannou a parpara.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Galesia 3:17

U raranga te katoe gulia e markato uana teka: i mamnen koru e Sunahan e kato gono mei e Abraham u ranga hamana. Na Lo turu Jiu, te butu hamurimurima i murina u 430 u hiningal, ema tatei kato pekoe nei u ranga hamana tere Sunahan.