1 Korin 1:10 - U Bulunagana U Niga

¹⁰ Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

1 Korin 1:10 ပူးပေါင်းရင်းမြစ်များ

Matiu 9:16

Be Iesu e poeiena, “A katuun ema tatei hasamapenei a makumun labalaba a tsi tsimus tara tabutu turu labalaba u toutounei. Te markato uanen teka ba pöata te galuse rien ba makumun labalaba a tsimus te roropitsina bate takis ba nena a makumun labalaba a toutounei, ba tabutu te pan koru len talanou.

U Bulungana u Niga tere Iesu Kristo te kolotein e Mak 2:21

Be Iesu e poeiena, “E möa ta katuun tega tatei halakopeia a tsi makumun labalaba ats tsimus tega tupu kap menaien a tabutu turu labalaba u toutounei. Te markato tala uanen teka ba pöata te galuse rien, bu labalaba u tsimus te roropitsina bate takiis ba nena a makumun labalaba a toutounei, ba tabutu te pan koru lel talana.

U Bulungana u Niga tere Iesu Kristo te kolotein e Mak 3:24

Te hiatatung pouts ria u katuun iahana töa han pan, ba han teka tema antunan tuol hatagala noi.

U Bulungana u Niga tere Iesu Kristo te kolotein e Jon 10:19

U Jiu i hengoein u raranga teka ba nori e lu kate ria a peisaren a huol a pala.

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

U Bulungana u Niga tere Iesu Kristo te kolotein e Jon 7:43

Ba e ka tala mena u huol u ranga te lu kateir u katuun.

U Bulungana u Niga tere Iesu Kristo te kolotein e Jon 9:16

Ba u palair u Parasi e poeier, “A katuun teka ema la meia tere Sunahan, taraha nonei kato pekoena a lo turu Lan u Göagono.” Ba palai e poeier, “A katuun a omi ema antunan kato nanei u mar mirakol teka.” Nori i lu kata hamanasa tala.

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

U pas te koloto menai e Pol turu kristenira i Rom 1:13

A matsi hahatoulana alia e hatei ragou limiou, tara para a pöata alia u ngil korui tegona tara merai limiou, kaba a nilala i tar ema mala manai. Alia e ngilegu u katuun i gusumilimiou egi hamani u raranga i tar, ti mar hamana has uu a palair u katuun tema Jiu ri.

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

U pas te koloto menai e Pol turu kristenira i Rom 12:16

Kaka haniga gono meraiam u katuun, möa tu hapanpan iam. Kaka haniga gono meraiam u katuun papala, ba tema pei mi alimiou lahas te ka memiou a niatei.

U pas te koloto menai e Pol turu kristenira i Rom 15:30

A matsi hahatoulana, alimiou e ka uamiou tere Iesu Kristo a Tsunono i tarara, na u Namnamei i tanen e hatei raira tegi hiangilngil uu ra. Na lia e ranga hatagala meragou limiou, alimiou go singo taguhe moulia tara ka te singo sil hase gulia. E markato uana teka, alimiou go singo hatagala uaiam tere Sunahan bate taguhe noulia.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

1 Korin 1:11

Taraha, a matsi toular, a palair u katuun tere Kloi i hate ii lia, alimiou ema hiakaka haniga mi.

1 Korin 11:18

Alia u hengoin u raranga te poeiena: tara pöata te hagum hoboto mia limiou, ba limiou te kats kilkil namiou temar hun katuun uami limiou, na lia e hamana hats tabubegu u ranga teka.

1 Korin 12:25

Ba man makum turu tuenrei tema tatei hia tsugtsuga ri, kaba nori gi hia taratara kap haniga nitöani a peisa ren.

1 Korin 3:3

Taraha, alimiou e ka here noahas mi u katunura i puta. Alimiou e hiomor miou na e hia o omi miou na e hiangenngena hasmiou. A markato teka e haröto nena alimiou e ka noa las mia tara markatona i puta.

1 Korin 4:16

Na lia e ranga hataatagi uagu i tamilimiou, alimiou go kukuteiam a markato i tar.

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

2 Korin 13:9

Te atei sile moua lam alimiou e hamana hatagala miou, ba lam te sasaalam, noahasina tema tagala uami lam. Alam e singo hatagala koru silem tego niga koru uaiam limiou.

2 Korin 5:20

Alam u tson sösöata ranga tere Kristo, e Sunahan e ranga hataatagi sila na i tamulam. Na lam e ranga hataatagi koru mia i tamilimiou tara solona e Kristo, tego nolo pouts memi limiou e Sunahan.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 4:12

A matsi hahatoulana, alia e hatei ragou limiou, alia u hapolasa ban a markato tara Lo, ti markato has uaiam limiou i manasa. Na tara pöata tu hihatuts tutuun ia lia teka, alimiou uma katoemi ta markato ta omi i tar.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 3:16

Na ragi pile hakarapotein a markato a niga ti lu hakapa mamira.

1 Tesalonaika 5:13

Hakats haniga raiam bate ngil koru ramen taraha, nori e taguhu rariou limiou. Na limiou go kaka haniga hobotoiam.

2 Tesalonaika 2:1

A matsi hahatoulana, alam e hatei rami limiou a pöata te la pouts nama romana e Iesu Kristo a Tsunono i tarara na pöata te gono hoboto roua ra tegi tara menaien ra.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.