1 Jon 5:19 - U Bulunagana U Niga

¹⁹ Ara e atei silera ara galapien tere Sunahan na mamana han hoboto i puta e kana tara nipepeito tere Satan.

1 Jon 5:19 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 4:6

Be Satan e poeiena i tanen, “Alia e hale goui lö a nitagala balö te pan na mou u han hoboto teka, na manka man niga iaharen. A manka hoboto teka i halei lia. Na te ngilin hala nagien lia tara töa katuun, ba lia te tatei hala nagen.

U Bulungana u Niga tere Iesu Kristo te kolotein e Jon 12:31

A pöata turu kout tere Sunahan e butu hakapa. Nonei e katsin tsuga ba tala nena e Satan.

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U Bulungana u Niga tere Iesu Kristo te kolotein e Jon 16:11

Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.

U Bulungana u Niga tere Iesu Kristo te kolotein e Jon 17:15

Alia ema rangata silegi alö go luba raien tara han i puta teka. E möa. Alia e rangata silegu tego hatongo kap meraien lö tara nitagala tere Satan.

U pas te koloto menai e Pol turu kristenira i Rom 8:16

Nonei noahas u Namnamei tere Sunahan te hateiena u namnamei i tarara bara te galapien uara tere Sunahan.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Jon 3:14

Kaba ara e atei sil talera ara i laba nema a tou mate me aroho uarima tara nitöatöa. Taraha ara e ngil korueiera a man hahatoulana i tarara, a pal katuun te hamana ria tere Iesu. A katuun tema ngile nei e toulanen e ka noana tara tou mate. Nonei e ka halhal ba nena a nitöatöa tere Sunahan bate here nei a katuun a mate.

1 Jon 3:24

A katuun te kukute hanigeiena u raranga tere Sunahan, nonei e ka gono menou e Sunahan, be Sunahan te ka has noa i tanen. U Namnamei u Göagono te halani e Sunahan, nonei te haröto renara e Sunahan e ka gono mera noura.

1 Jon 5:10

A katuun te hamanana tara Pien Tson tere Sunahan e atei haniga silena te mana uana u raranga teka. Kaba a katuun te hahamana nena e Sunahan nonei a katuun te poeiena, “E Sunahan a katuun a gamogamo.” Taraha, nonei e hahamana nena a ka te ranga benei e Sunahan a Pien Tson i tanen.

1 Jon 5:13

Alia e koloto menagi a manka teka i tamilimiou u katuun te hamana mia tara Pien Tson tere Sunahan, taraha alia e ngilegu alimiou ego atei haniga sileiam te ka mena milimiou a nitöatöa te ka nitöana.

1 Jon 5:15

Ara e atei silera e Sunahan e hengo silena mamanaka te singo sile rara, na nonei e hala nanou a manka te singo sile rara.

1 Jon 5:18

Ara e atei silera a katuun te pien uana tere Sunahan ema tatei kato homi hiton nei, taraha a Pien Tson tere Sunahan e pepeito kap nitöa nanen, na e Satan ema antunan kato homi naneien.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 20:3

Ba angelo e lapo ba nanen tara kiou iogana me hakopena a kökopona a kiou me kits hakarapote nen, be Satan tema antunan gamo lel ranoui u katuun e antunana te kapa noua u 1,000 u hiningal. Na i murina te kapa noua u 1,000 u hiningal, ba nonei te gamon hapureseier romana a tsitabubun pöata.