1 Jon 5:13 - U Bulunagana U Niga

¹³ Alia e koloto menagi a manka teka i tamilimiou u katuun te hamana mia tara Pien Tson tere Sunahan, taraha alia e ngilegu alimiou ego atei haniga sileiam te ka mena milimiou a nitöatöa te ka nitöana.

1 Jon 5:13 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:12

Kaba turu katuun ti lu menaien i taren na ti hamana korueien, nonei e hala raien a nitsunono tegi pien uaien tere Sunahan.

U Bulungana u Niga tere Iesu Kristo te kolotein e Jon 2:23

E Iesu e kaia i Jerusalem tara pöata ti kateia u Jiu a kannouna turu Paska i taren. A parpara a katuun e hamanaia i tanen, taraha nori i tari a man mirakol te katoeien.

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

U Bulungana u Niga tere Iesu Kristo te kolotein e Jon 21:24

Alia e Jon, a katunun tsitsilo tere Iesu te koloto negu a manka teka. Alia u tara peisein a matar balia te hatei nagen, na lam e atei silem te mana uana u raranga teka.

U Bulungana u Niga tere Iesu Kristo te kolotein e Jon 3:18

A katuun te hamana uana tara Pien Tson tere Sunahan ema kout naroi kaba a katuun tema hamana nei e ka noa has mena u kout, taraha nonei ema hamana uai tara töa koru a Pien Tson tere Sunahan.

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

Aposol 3:16

A markato te hamana mena milam e Iesu na te haniga mena milam a solonen, nonei a markato te hatagala poutse lala a katuun teka te tare milimiou na te atei sile milimiou. E Iesu te habuti a nihamana i tamulam, na nihamana teka te kato haniga poutse lala a katuun teka i matamilimiou hoboto.

Aposol 4:12

“E möa ta taina ta katuun tega tatei lu pouts merai u katuun tere Sunahan. Tara mamana han hoboto i puta, e Sunahan ema hanige ii ta taina ta katuun tega tatei lu pouts merai ra tere Sunahan. E Iesu puku lasi.”

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

1 Jon 1:4

Alam e koloto menami u raranga teka i tamilimiou bara te tatei sasaala hoboto nitöara.

1 Jon 2:1

A matsi galapien koru i tar, alia e koloto menagi a man raranga teka i tamilimiou, taraha alia e ngilin taguhu ragou limiou ba limiou tema tatei kato homi mi. Kaba te kato homina a töa katuun, ara e kamera a katuun te matsköna, e Iesu Kristo te ranga bera noura tere Tamarara.

1 Jon 2:21

Alia ema poeiegi alimiou ema atei silemi a manka te manana, ba lia te koloto uagu i tamilimiou. E möa. Alia e koloto uagu i tamilimiou taraha alimiou e atei silemiou a manka te manana, na limiou e atei sil hasemiou e möa ta töa ta ka ta gamo tega tatei butuma tara manka te manana.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.

1 Jon 2:26

Alia e koloto megi a ka teka, taraha a palair u katuun ena mots gamo rariou limiou.

1 Jon 3:23

Na u raranga tere Sunahan teka: aragi hamanaia tere Iesu Kristo a Pien Tson i tanen ba ra te hiangilngilira, nonei teka u raranga tere Sunahan.

1 Jon 4:9

E Sunahan e ngil koru raioura me haröto nena te taatagi koru meraien ra tara pöata te hala namen a töa koru a Pien Tson i tanen i puta. Nonei e la silema tegi lu menai ra a nitöatöa i tanen.

1 Jon 5:10

A katuun te hamanana tara Pien Tson tere Sunahan e atei haniga silena te mana uana u raranga teka. Kaba a katuun te hahamana nena e Sunahan nonei a katuun te poeiena, “E Sunahan a katuun a gamogamo.” Taraha, nonei e hahamana nena a ka te ranga benei e Sunahan a Pien Tson i tanen.

1 Jon 5:11

Na nonei a ka teka te hatei raneira e Sunahan: e Sunahan e hala raira a nitöatöa te ka nitöana, na nitöatöa teka e kana tara Pien Tson i tanen.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.