1 Jon 5:1 - U Bulunagana U Niga

¹ U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.

1 Jon 5:1 ပူးပေါင်းရင်းမြစ်များ

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

U Bulungana u Niga tere Iesu Kristo te kolotein e Luk 7:5

Taraha? Nonei e ngil koru rena u katuun i tarara na han i tarara na nonei e kui hasi a luman lotu i tamulam.”

U Bulungana u Niga tere Iesu Kristo te kolotein e Jon 1:3

E Sunahan e habutu silanaia a mamanaka turu Ranga. E möa ta töa taka tega butu peisa. A mamanaka e butu sila lasia turu Ranga.

U Bulungana u Niga tere Iesu Kristo te kolotein e Jon 15:23

A katuun te omie noulia e omi hasena e Tamar.

U Bulungana u Niga tere Iesu Kristo te kolotein e Jon 3:3

Be Iesu e ranga palise nen me poeiena, “U mana koru alia e hatei hamana korue goulö, tema posa lele ria a katuun, nonei ema antunan atei sile nei a man kana tara Nipepeito tere Sunahan.”

U Bulungana u Niga tere Iesu Kristo te kolotein e Jon 6:69

Na lam e hamanam na e atei sil hasem alö a Pien a Göagono te tula nema e Sunahan.”

U Bulungana u Niga tere Iesu Kristo te kolotein e Jon 8:42

Be Iesu e poeiena i taren, “Sanena tego hatamana uamia limiou tere Sunahan, alimiou sane ngile moulia, taraha alia u la hamatsköma tere Sunahan. Alia uma la memei u ngil peisa i tar. E möa. Nonei te tula na moulia.

Aposol 8:36

Pöata ti la noaien i maroro ba nori ena butu ria tara töa ramun, ba tson pepeito teka e poeiena, “Röto, a ramun teka. Aha te hatu kap na noulia tego habaptais uu lia?” Be Pilip e poeiena, “Te ka memialö a nihamana i torimölö, alö e antunan habaptaisim.” Ba nonei e ranga palisina me poeiena, “Alia e hamanegu e Iesu Kristo nonei a Pien Tson tere Sunahan.”

Jemis 1:18

Turu ngil peisa i tanen e Sunahan e hatuhana raiara turu ranga u mana i tanen. Nonei e kato menai a ka teka bara te here rari romana u katuun tutuun tara hun katuun a tsimus i tanen.

1 Pita 1:3

Aragi solosei e Sunahan e Tamana a Tsunono i tarara e Iesu Kristo. Tara nitaatagi pan koru i tanen nonei e hala rai ra a nitöatöa a tsimus te hatakei meien e Iesu Kristo tara tou mate i tanen. Na tara mamanaka a niga te haka beraien ra i Kolö, a manka tema tatei omiri na tema tatei mulari na tema tatei taiari.

1 Jon 2:10

A katuun te ngil hamana korueiena e toulanen e kana turu ualesala, na nonei e möa ta ka tega kato homieien.

1 Jon 2:29

Na te atei silemia limiou e Iesu nonei a katuun a matskö, ga lö e atei sil talem a katuun te kato hanigana nonei a pien tere Sunahan.

1 Jon 3:14

Kaba ara e atei sil talera ara i laba nema a tou mate me aroho uarima tara nitöatöa. Taraha ara e ngil korueiera a man hahatoulana i tarara, a pal katuun te hamana ria tere Iesu. A katuun tema ngile nei e toulanen e ka noana tara tou mate. Nonei e ka halhal ba nena a nitöatöa tere Sunahan bate here nei a katuun a mate.

1 Jon 3:17

Kaba a katuun te ka mena a mamanaka bate atei sil hasena e toulanen e moana ta kannou ba nonei tema taatagi naneien, ga ime temar ngil mena neien e Sunahan? Ge möa tala.

1 Jon 3:9

A katuun te pala uana tere Sunahan ema tatei kato homi nei, taraha a nitöatöa tere Sunahan e kana i tanen. Na katuun te tuhanama tere Sunahan ema antunan kato homi nei, taraha nonei a pien i tanen.

1 Jon 4:2

Nonei teka temar tara marei menari u Namnamei tere Sunahan: u katuun te poeier e Iesu Kristo e butun Katunuma, e Sunahan te haranga ranen.

1 Jon 4:20

Te rangana katuun bate poeiena, “Alia e ngil korueieg e Sunahan,” bate pakörena u toulanen tsi u hahinanen, nonei a katuun a gamogamo. Taraha, a katuun te tarena a man toulanen batema ngil raneien, nonei ema antunan ngil has nanei e Sunahan.

1 Jon 4:7

A matsi hahikapien, aragi ngil korui a tana katuun, taraha u ngilngil hamana e la nama tere Sunahan. Na katuun te ngil hamanena a tana katuun e pala uana tere Sunahan, bate atei silena e Sunahan.

1 Jon 5:18

Ara e atei silera a katuun te pien uana tere Sunahan ema tatei kato homi hiton nei, taraha a Pien Tson tere Sunahan e pepeito kap nitöa nanen, na e Satan ema antunan kato homi naneien.

1 Jon 5:4

Taraha, a galapien hoboto tere Sunahan e antunan tagala salsaluhe baner a markatona i puta. Na nitagala te tagala salsaluhe ba nena a markatona i puta nonei u nihamana i tarara.

1 Jon 5:5

A katuun te hamanena e Iesu nonei a Pien Tson tere Sunahan, nonei lasi a katuun te tagala saluhe banena a markatona i puta.