1 Jon 4:20 - U Bulunagana U Niga

²⁰ Te rangana katuun bate poeiena, “Alia e ngil korueieg e Sunahan,” bate pakörena u toulanen tsi u hahinanen, nonei a katuun a gamogamo. Taraha, a katuun te tarena a man toulanen batema ngil raneien, nonei ema antunan ngil has nanei e Sunahan.

1 Jon 4:20 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 13:35

Te hiangilngil moua limiou, ba u katuun hoboto te atei sile riou alimiou u katunun tsitsilo i tar.”

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

1 Jon 1:6

Na te pei mena reira, ara e ka haniga gono mera e Sunahan bara te tataala tsipon ria turu kuhil, ara e gamo talara na ra ema katoe rei taka tega mana.

1 Jon 1:8

Na te pei mena reira ara ema ka merei ta markato ta omi, ara e gamoera a peisarara, na u raranga u mana ema ka neia i torirara.

1 Jon 2:11

Kaba a katuun te paköeiena a hahatoulana i tanen e kana turu kuhil. Nonei e here nei a katuun te silana tara maroro a kuhil. Na nonei ema atei sile nei ime te la uanen, taraha u kuhil e hasaheiena a matanen.

1 Jon 2:4

Na te poeiena a katuun, “Alia e katuun hamana uagu tere Sunahan,” kaba nonei ema hengoe neien, nonei a katuun a gamogamo na u raranga u mana ema ka neia i torinen.

1 Jon 2:9

A katuun te poeiena nonei e kana turu ualesala, kaba e paköeiena a hahatoulana i tanen, nonei e ka noa hasna turu kuhil.

1 Jon 3:17

Kaba a katuun te ka mena a mamanaka bate atei sil hasena e toulanen e moana ta kannou ba nonei tema taatagi naneien, ga ime temar ngil mena neien e Sunahan? Ge möa tala.

1 Jon 4:12

Emoa ta töa ta katuun tego tara noabi e Sunahan. Kaba te ngil korue rara a tana katuun, be Sunahan te kana i tarara. Ba u ngilngil i tanen te butu haniga nitöa noa i tarara.